ന്യൂഡല്ഹി: ടിക്കറ്റ് നിരക്കുമായി ബന്ധപ്പെട്ട നിയമങ്ങള് പാലിച്ചില്ലെങ്കില് സര്വീസ് നിര്ത്തിവെപ്പിക്കുമെന്ന് വിമാനകമ്പനികള്ക്ക് സുപ്രീംകോടതി മുന്നറിയിപ്പ്. ടിക്കറ്റ് നിരക്കില് സര്ക്കാര് നിര്ദേശങ്ങള് പാലിക്കണമെന്ന കര്ശന മുന്നറിയിപ്പാണ് കോടതി നല്കിയത്. അമിത ടിക്കറ്റ് നിരക്കിനെതിരെ വ്യാപക പരാതി ഉയരുന്നതിനിടെയാണ് കോടതി ഇടപെടല്. വിമാന ടിക്കറ്റ് നിരക്ക്, സര്ജ് പ്രൈസിങ്, അധിക ബാഗേജ് ചാര്ജ് തുടങ്ങിയവ നിയന്ത്രിക്കുന്നതിനുള്ള പുതിയ ചട്ടങ്ങള് മൂന്ന് ആഴ്ചയ്ക്കുള്ളില് വിജ്ഞാപനം ചെയ്യുമെന്ന് കേന്ദ്ര സര്ക്കാര് കോടതിയെ അറിയിച്ചു. പുതിയ നിയമങ്ങളുടെ കരട് സര്ക്കാര് സുപ്രീംകോടതിയില് സമര്പ്പിച്ചിട്ടുണ്ട്.
Post a Comment
0 Comments