കാസര്കോട്: തിരഞ്ഞെടുപ്പ് ഡ്യൂട്ടിക്കിടെ ബി.എല്.ഒയെ പുഴയില് മരിച്ച നിലയില് കണ്ടെത്തി. മൊഗ്രാല് പുത്തൂര് സ്വദേശിയും ചെര്ക്കള ഗവ. ഹയര് സെക്കന്ററി സ്കൂളിലെ അധ്യാപകനുമായ സവാദ് (32) ആണ് മരിച്ചത്. മൊഗ്രാല് പുത്തൂര് ഒന്നാം ബൂത്തിലെ ബി.എല്.ഒ ആയി പ്രവര്ത്തിച്ചുവരികയായിരുന്നു സവാദ്. ഇന്ന് രാവിലെ ഏഴ് മണിയോടെയാണ് സവാദിനെ വീട്ടില് നിന്ന് കാണാതായത്. ഏറെനേരം കഴിഞ്ഞിട്ടും വീട്ടിലെത്താത്തതിനെ തുടര്ന്ന് കുടുംബാംഗങ്ങളും സമീപവാസികളും ആശങ്കപ്പെടുകയും തുടര്ന്ന് നാട്ടുകാര്, സുഹൃത്തുകള്, അയല്ക്കാര് എന്നിവരുടെ നേതൃത്വത്തില് തിരച്ചില് ആരംഭിക്കുകയുമായിരുന്നു. ഇതിനിടെയാണ് രാവിലെ ഒമ്പതു മണിയോടെ മൊഗ്രാല് കടവത്ത് പുഴയില് അദ്ദേഹത്തെ അവശനിലയില് കണ്ടെത്തിയത്. വിവരം അറിഞ്ഞതോടെ പൊലീസ് ആശുപത്രിയിലെത്തി തുടര്നടപടികള് സ്വീകരിച്ചു. മരണത്തിനിടയാക്കിയ സാഹചര്യം സംബന്ധിച്ച് പൊലീസ് അന്വേഷണം ആരംഭിച്ചു.
Post a Comment
0 Comments