ന്യൂഡല്ഹി: രാജ്യത്ത് ഗാര്ഹിക പാചവാതക വില കൂട്ടി. 14.2 കിലോഗ്രാം സിലിണ്ടറിന്റെ വില 60 രൂപയാണ് വര്ധിപ്പിച്ചത്. ഇതോടെ ഡല്ഹിയില് സിലിണ്ടറിന് 913 രൂപയായി. പുതിയ നിരക്ക് ഇന്ന് മുതല് പ്രാബല്യത്തില്. വാണിജ്യ പാചകവാതകത്തിനും വില കൂട്ടിയിട്ടുണ്ട്. 19 കിലോ സിലിണ്ടറിന് 115 രൂപയാണ് വര്ധിപ്പിച്ചത്. ഡല്ഹിയില് സിലിണ്ടറിന് 1883 രൂപയായി ഉയര്ന്നു. പശ്ചിമേഷ്യയില് യുദ്ധഭീതി വിടാതെ തുടരുന്നത് ക്രൂഡ് ഓയില് വിലയെയും ഊര്ജഇറക്കുമതിയെയും ബാധിച്ചതാണ് വിലവര്ധനവിന് കാരണമെന്നാണ് എണ്ണക്കമ്പനികളുടെ വാദം. വാണിജ്യ സിലിണ്ടറിന് വില വര്ധിച്ചത് ഹോട്ടല് മേഖലയ്ക്കും വ്യവസായ സംരഭകര്ക്കും കനത്ത തിരിച്ചടിയായിരിക്കുമെന്നാണ് വിലയിരുത്തല്. ഇറാന്- ഇസ്രായേല് സംഘര്ഷത്തിന്റെ പേരില് എണ്ണക്കമ്പനികള് ലാഭമുണ്ടാക്കാന് കേന്ദ്രസര്ക്കാര് സൗകര്യമൊരുക്കുന്നുവെന്ന് വ്യാപകമായ വിമര്ശനം ഉയര്ന്നു തുടങ്ങിയിട്ടുണ്ട്.
Post a Comment
0 Comments