ന്യൂഡല്ഹി: ഇറാനെതിരെ ഇസ്രയേല് നടത്തിയ ആക്രമണത്തിന് പിന്നാലെ പശ്ചിമേഷ്യയിലെ നിലവിലെ സാഹചര്യങ്ങള് കണക്കിലെടുത്ത്, പശ്ചിമേഷ്യയിലെ എല്ലാ ലക്ഷ്യ സ്ഥാനങ്ങളിലേക്കുമുള്ള എയര് ഇന്ത്യ വിമാനങ്ങള് റദ്ദാക്കി. യാത്രക്കാരുടെയും വിമാന ജീവനക്കാരുടെയും സുരക്ഷയ്ക്ക് പരമപ്രധാനമായ പരിഗണന നല്കുന്നുവെന്നും അതു കണക്കിലെടുത്താണ് തീരുമാനമെന്നും എയര് ഇന്ത്യ അറിയിച്ചു. സുരക്ഷാ സാഹചര്യങ്ങള് നിരന്തരം വിലയിരുത്തിക്കൊണ്ടിരിക്കുകയാണെന്നും അതിനനുസരിച്ച് വിമാന സര്വീസുകളില് ആവശ്യമായ മാറ്റങ്ങള് വരുത്തുമെന്നും എയര് ഇന്ത്യ പുറത്തിറക്കിയ പ്രസ്താവനയില് അറിയിച്ചു. യാത്രക്കാര്ക്ക് ആവശ്യമായ എല്ലാ സഹായങ്ങളും നല്കുമെന്നും അധികൃതര് വ്യക്തമാക്കി.
Post a Comment
0 Comments