സ്ഥാനാര്‍ഥിയുടെ വീടിന് സമീപം നാല് നാടന്‍ ബോംബുകള്‍ കണ്ടെത്തി; നായ കടിച്ച് പൊട്ടിച്ചതോടെ സംഭവം പുറത്തായി

ബദിയഡുക്ക: എൽഡിഎഫ് ജില്ലാ പഞ്ചായത്ത് സ്ഥാനാർഥി കെ. പ്രകാശിൻ്റെ വീടിന് സമീപം നാല് നാടൻ ബോംബുകൾ കണ്ടെത്തിയ സംഭവം പ്രദേശത്ത് വലിയ ആശങ്കയ്ക്ക് ഇടയാക്കി. ഇവയിൽ ഒരെണ്ണം വീട്ടുവളപ്പിൽ ഉണ്ടായിരുന്ന നായ കടിച്ച് പൊട്ടിത്തെറിച്ചതോടെയാണ് സംഭവം പുറത്തറിഞ്ഞതെന്നാണ് പോലീസ് നൽകുന്ന വിവരം.

ബോംബ് പൊട്ടിത്തെറിയുടെ വലിയ ശബ്ദം കേട്ടതിനെ തുടർന്ന് കുടുംബാംഗങ്ങൾ പുറത്ത് പരിശോധിക്കുകയുണ്ടായി. ഈ പരിശോധനയിലാണ് സമീപപ്രദേശത്തായി ശേഷിച്ച മൂന്ന് നാടൻ ബോംബുകൾ കൂടി കണ്ടെത്തിയത്. ഉടൻ തന്നെ പ്രദേശവാസികൾ ബദിയഡുക്ക പോലീസിനെ വിവരമറിയിക്കുകയായിരുന്നു.