ദേശീയം: രണ്ടു വയസിന് താഴെയുള്ള കുട്ടികള്ക്ക് ചുമ മരുന്ന് നല്കരുതെന്നാണ് കേന്ദ്ര ആരോഗ്യ മന്ത്രാലയത്തിന്റെ നിര്ദേശം. വിവിധ സംസ്ഥാനങ്ങളില് ചുമ മരുന്ന് കഴിച്ച കുട്ടികള് മരിച്ചെന്ന പരാതി ഉയര്ന്ന പശ്ചാത്തലത്തിലാണ് കേന്ദ്ര ആരോഗ്യ മന്ത്രാലയം മാര്ഗനിര്ദേശം പുറത്തിറക്കിയത്. ഇത്തരം മരുന്നുകളുടെ ഉപയോഗം കൃത്യമായ ക്ലിനിക്കല് പരിശോധനയ്ക്കും ഡോക്ടര്മാരുടെ നിര്ദേശത്തിനും ശേഷം മാത്രം മതി. മരുന്നു ഇതര രീതികള് ആയിരിക്കണം രോഗികള്ക്ക് നല്കേണ്ട പ്രാഥമിക പരിചരണം. എല്ലാ ആരോഗ്യ സ്ഥാപനങ്ങളും ഇത്തരം മരുന്നുകളുടെ ഗുണനിലവാരം ഉറപ്പുവരുത്തി മാത്രം ഉപയോഗിക്കുക. മരുന്ന് നിര്ദേശിക്കുന്നതില് സ്വകാര്യ സ്ഥാപനങ്ങളടക്കം ജാഗ്രത പാലിക്കാനും നിര്ദേശമുണ്ട്. ഈ മാര്ഗനിര്ദേശം സംസ്ഥാനങ്ങളിലെ എല്ലാ ആരോഗ്യ സ്ഥാപനങ്ങളും കര്ശനമായി പാലിക്കണമെന്നും കേന്ദ്രം മുന്നറിയിപ്പില് ചൂണ്ടിക്കാട്ടി.
Post a Comment
0 Comments