പമ്പാ മണപ്പുറത്ത് തിരുവിതാംകൂര് ദേവസ്വം ബോര്ഡ് സംഘടിപ്പിക്കുന്ന ആഗോള അയ്യപ്പസംഗമത്തിന് തുടക്കമായി. സംഗമം മുഖ്യമന്ത്രി പിണറായി വിജയന് ഉദ്ഘാടനം ചെയ്തു. ശബരിമലയുടെ സമഗ്രവികസനം ലക്ഷ്യമിട്ടാണ് അയ്യപ്പ സംഗമം നടത്തുന്നത്. തമിഴ്നാട് സര്ക്കാരിന്റെ പ്രതിനിധികള് അടക്കം 3,500 പ്രതിനിധികളാകും സംഗമത്തില് പങ്കെടുക്കുക.
രജിസ്റ്റര് ചെയ്തവര്ക്ക് പാസ് മുഖേനയാണ് പാസ്. മൂന്ന് സെഷനുകളായാണ് ചര്ച്ചകള് സംഘടിപ്പിക്കുക. മാസ്റ്റര്പ്ലാന് ചര്ച്ച മുന് ചീഫ് സെക്രട്ടറി കെ ജയകുമാറും ആധ്യാത്മിക ടൂറിസം ചര്ച്ച പ്രധാനമന്ത്രിയുടെ മുന് പ്രിന്സിപ്പല് സെക്രട്ടറി ടികെഎ നായരും തിരക്ക് നിയന്ത്രണത്തെക്കുറിച്ചുള്ള ചര്ച്ച റിട്ട. ഡിജിപി ജേക്കബ് പുന്നൂസും നയിക്കും.
അയ്യപ്പ സംഗമത്തിനുള്ള എല്ലാ ഒരുക്കങ്ങളും പമ്പയില് പൂര്ത്തിയായതായി ദേവസ്വം മന്ത്രി വി എന് വാസവന് അറിയിച്ചു. മറ്റ് തീര്ത്ഥാടകര്ക്ക് ദര്ശനത്തിന് തടസ്സമില്ലാത്ത രീതിയില് ആണ് സംഗമം നടത്തുകയെന്നും ആഗോള അയ്യപ്പ സംഗമത്തില് പങ്കെടുക്കുന്നവര്ക്ക് ചോദ്യാവലി കൊടുക്കുമെന്നും എല്ലാവര്ക്കും അത് പൂരിപ്പിച്ചു നല്കാമെന്നുമാണ് മന്ത്രി വ്യക്തമാക്കിയത്.
Post a Comment
0 Comments