ചെന്നൈ: വാട്സാപ്പ്, ടെലിഗ്രാം, ത്രഡ് തുടങ്ങിയ ജനപ്രിയ ആപ്പുകളെ പിന്തള്ളി ഇന്ത്യന് മെസേജിങ് ആപ്പായ 'അറട്ടൈ'. തദ്ദേശീയമായി നിര്മിച്ച ഈ ആപ്പ് ഇന്ത്യയിലെ ഏറ്റവും ജനപ്രിയ സോഷ്യല് നെറ്റ്വര്ക്കിംഗ് ആപ്പായി മാറിയിരിക്കുകയാണ്. ആപ്പ് സ്റ്റോറുകളില് ഒന്നാമതാണ് അറട്ടൈ. തമിഴ്നാട്ടിലെ ചെന്നൈ ആസ്ഥാനമായുള്ള പ്രമുഖ സോഫ്റ്റ്വെയര് കമ്പനിയായ സോഹോ കോര്പ്പറേഷനാണ് ആപ്പ് വികസിപ്പിത്. 2021ലാണ് പുറത്തിറക്കിയതെങ്കിലും അറട്ടൈയുടെ സമയം തെളിഞ്ഞത് ഇപ്പോഴാണ്. ചാറ്റ് എന്നാണ് അറട്ടൈ എന്ന തമിഴ് വാക്കിന്റെ അര്ഥം. സ്പൈവെയര് രഹിത മെസഞ്ചര് ആപ്പാണ് ഇത്.
ടെക്സ്റ്റ്, വോയിസ് ചാറ്റിങ്ങിനുള്ള സൗകര്യം, വ്യക്തിഗത, ഗ്രൂപ്പ് വീഡിയോ, ഓഡിയോ കോളുകള്, മീഡിയ ഷെയറിങ് തുടങ്ങിയവ അറട്ടൈ പ്രദാനം ചെയ്യുന്നുണ്ട്. കൂടാതെ ഗ്രൂപ്പ് ചാറ്റുകള്ക്കും കൂടുതല് ആളുകളിലേക്ക് വിവരം എത്തിക്കാനും ചാനലുകള് ഉപയോഗിക്കാം.ഉപയോക്താക്കളുടെ ഡാറ്റ പരസ്യങ്ങള്ക്കോ മറ്റ് ആവശ്യങ്ങള്ക്കോ ഉപയോഗിക്കുകയില്ലെന്ന് സോഹോ ഉറപ്പ് നല്കുന്നുണ്ട്. സ്മാര്ട്ട്ഫോണുകളില് മാത്രമല്ല, ഡെസ്ക്ടോപ്പ്, ആന്ഡ്രോയിഡ് ടിവി എന്നിവയിലൂടെയും ആക്സസ് ചെയ്യാന് കഴിയുന്ന ആപ്പ് ആണിത്. കുറഞ്ഞ ഇന്റര്നെറ്റ് വേഗതയിലും പഴയ സ്മാര്ട്ട്ഫോണുകളിലും പോലും നന്നായി പ്രവര്ത്തിക്കാന് കഴിയുന്ന രീതിയിലാണ് ആപ്പ് രൂപകല്പന ചെയ്തിട്ടുള്ളത്. അറട്ടൈയിയെ ഒരു പ്രാദേശിക ഡിജിറ്റല് പ്ലാറ്റ്ഫോമിയ കേന്ദ്രവിദ്യാഭ്യാസ മന്ത്രി ധര്മേന്ദ്ര പ്രധാന് ശിപാര്ശ ചെയ്തതോടെ ആപ്പ് കൂടുതല് ശ്രദ്ധിക്കപ്പെട്ടു. ഇന്ത്യയുടെ 'വാട്സാപ്പ് ഘാതകന്' എന്നാണ് അറട്ടൈയിയെ സാങ്കേതിക വിദഗ്ധര് വിശേഷിപ്പിക്കുന്നത്. വാട്സാപ്പിന് നിലവില് ഇന്ത്യയില് 500 ദശലക്ഷത്തിലധികം ഉപയോക്താക്കളുണ്ടെന്നാണ് റിപ്പോര്ട്ട്.
Post a Comment
0 Comments