കാസര്കോട്: ഐക്യം, അതിജീവനം, അഭിമാനം എന്ന പ്രമേയത്തില് നടത്തുന്ന എം.എസ്.എഫ് ജില്ലാ സമ്മേളനത്തിന്റെ ഒന്നാംദിനം കാസര്കോട് മുനിസിപ്പല് കോണ്ഫറന്സ് ഹാളില് നടത്തിയ പ്രതിനിധി സമ്മേളനം സജീവ ചര്ച്ചകള്ക്കും ആശയക്കൈമാറ്റങ്ങള്ക്കുമുള്ള വേദിയായി. നിയോജക മണ്ഡലം തലങ്ങളിലെ പ്രവര്ത്തക സമിതി അംഗങ്ങള് പങ്കെടുത്ത പ്രതിനിധി സമ്മേളനത്തിലെ വിഷയാവതരണങ്ങളും സംഘാടക മികവും ശ്രദ്ധേയമായി.
പ്രതിനിധി സമ്മേളനം മുസ്ലിം ലീഗ് ദേശീയ അസിസ്റ്റന്റ് സെക്രട്ടറി അഡ്വ. വി.കെ ഫൈസല് ബാബു ഉദ്ഘാടനം ചെയ്തു. എം.എസ്.എഫ് ജില്ലാ പ്രസിഡന്റ് സയ്യിദ് താഹ ചേരൂര് അധ്യക്ഷത വഹിച്ചു. ജനറല് സെക്രട്ടറി സവാദ് അംഗഡിമുഗര് സ്വാഗതം പറഞ്ഞു. ദേശീയ പ്രസിഡന്റ് പി.വി അഹമ്മദ് സാജു മുഖ്യപ്രഭാഷണം നടത്തി. മുസ്ലിം ലീഗ് ജില്ലാ പ്രസിഡന്റ് കല്ലട്ര മാഹിന് ഹാജി, ജനറല് സെക്രട്ടറി എ. അബ്ദുല് റഹ്മാന്, ട്രഷറര് പി.എം മുനീര് ഹാജി, ജില്ലാ സെക്രട്ടറിമാരായ ഹാരിസ് ചൂരി, അബ്ദുള്ള കുഞ്ഞി ചെര്ക്കള, എം.എസ്.എഫ് സംസ്ഥാന വൈസ് പ്രസിഡന്റ് അനസ് എതിര്ത്തോട്, സെക്രട്ടറി ഇര്ഷാദ് മൊഗ്രാല്, പ്രവര്ത്തക സമിതി അംഗങ്ങളായ ജാബിര് തങ്കയം, ഷഹീദ റാഷീദ്, ജില്ലാ ട്രഷറര് ജംഷീദ് ചിത്താരി സംസാരിച്ചു.
രണ്ടാം സെഷനായ 'കാലം' മുസ്ലിം യൂത്ത് ലീഗ് മലപ്പുറം ജില്ലാ പ്രസിഡന്റ് ശരീഫ് കുറ്റൂര് വിഷയാവതരണം നടത്തി. എം.എസ്.എഫ് ജില്ലാ വൈസ് പ്രസിഡന്റ് സലാം ബെളിഞ്ചം പ്രസീഡിയം നിയന്ത്രിച്ചു. സെക്രട്ടറി സര്ഫറാസ് ബന്തിയോട്, ഹരിത ജില്ലാ ജനറല് കണ്വീനര് മുഹ്സിന ബംബ്രാണ സംസാരിച്ചു. 'സംഘടന ചര്ച്ച' സെഷനില് മുസ്ലിം ലീഗ് സംസ്ഥാന സെക്രട്ടേറിയറ്റ് അംഗം എന്.എ നെല്ലിക്കുന്ന് എം.എല്.എ, എ.കെ.എം അഷ്റഫ് എം.എല്.എ, യൂത്ത് ലീഗ് സംസ്ഥാന വൈസ് പ്രസിഡന്റ് അഷ്റഫ് എടനീര്, ജില്ലാ പ്രസിഡന്റ് അസീസ് കളത്തൂര്, ജനറല് ജനറല് സെക്രട്ടറി സഹീര് ആസിഫ് എന്നിവര് നേതൃത്വം നല്കി. മുസ്ലിം യൂത്ത് ലീഗ് ജില്ലാ വൈസ് പ്രസിഡന്റ് എം.എ നജീബ് മോഡറേറ്ററായി. എം.എസ്.എഫ് ജില്ലാ വൈസ് പ്രസിഡന്റ് സൈഫുള്ള തങ്ങള്, സെക്രട്ടറി ജംഷീര് മൊഗ്രാല് സംസാരിച്ചു. ജില്ലയിലെ സംഘടനാപരവും വിദ്യാഭ്യാസപരവുമായി വിഷയങ്ങളില് സമ്മേളന പ്രതിനിധികള് സംവദിച്ചു.
Post a Comment
0 Comments