കാഞ്ഞങ്ങാട്: ടര്‍ഫില്‍ ഫുട്ബോള്‍ കളികാണാനെത്തിയ വിദ്യാര്‍ഥിയെ മര്‍ദിക്കുകയും കുഴിയിലേയ്ക്ക് തള്ളിയിട്ട് കാലൊടിക്കുകയും ചെയ്ത സംഭവത്തില്‍ പത്താംക്ലാസ് വിദ്യാര്‍ഥികള്‍ക്കെതിരെ ഹോസ്ദുര്‍ഗ് പൊലീസ് കേസെടുത്തു. കാഞ്ഞങ്ങാട് നഗര പരിധിയിലെ സ്‌കൂളിലെ ഒമ്പതാം ക്ലാസ് വിദ്യാര്‍ഥിയും പള്ളിക്കര, തെക്കേക്കുന്ന് സ്വദേശി വിശാഖ് കൃഷ്ണയെ (14)യാണ് ഇതേ സ്‌കൂളിലെ പത്താംതരം വിദ്യാര്‍ഥികള്‍ ചേര്‍ന്ന് അക്രമിച്ചത്. ഫെബ്രുവരി 23ന് കാഞ്ഞങ്ങാട്, നോര്‍ത്ത് കോട്ടച്ചേരിക്ക് സമീപത്തെ ടര്‍ഫിനു സമീപമാണ് സംഭവം. വിശാഖ് കൃഷ്ണന്റെ സഹോദരന്‍ പൃഥ്വിയെ ഒരു കൂട്ടം വിദ്യാര്‍ഥികള്‍ മര്‍ദ്ദിച്ചത് ചോദ്യം ചെയ്ത വിരോധത്തിലാണ് വിശാഖ് കൃഷ്ണനെ അക്രമിക്കുകയും മുഖത്തടിക്കുകയും ആറടി താഴ്ചയുള്ള കുഴിയിലേയ്ക്ക് തള്ളിയിടുകയും ചെയ്തതെന്ന് മാതാവ് ടി.ജി പ്രീത കാസര്‍കോട് സ്പെഷ്യല്‍ മൊബൈല്‍ സ്‌ക്വാഡ് ഡിവൈഎസ്പിക്ക് നല്‍കിയ പരാതിയില്‍ പറയുന്നു. നാട്ടുകാര്‍ വിവരം അറിയിച്ചതിനെ തുടര്‍ന്ന് മാതാപിതാക്കള്‍ എത്തിയാണ് വിശാഖിനെ ജില്ലാ ആശുപത്രിയില്‍ എത്തിച്ചത്. പിന്നീട് മംഗളൂരു ദേര്‍ലക്കട്ടെ മെഡിക്കല്‍ കോളജ് ആശുപത്രിയിലേക്ക് മാറ്റി. വീഴ്ചയില്‍ വലതു കാലിന്റെ എല്ലൊടിഞ്ഞതിനെ തുടര്‍ന്ന് ശസ്ത്രക്രിയ നടത്തി.
Post a Comment
0 Comments