കാസര്‍കോട്: വനിതാ ഡോക്ടറോട് ലൈംഗിക ചുവയോടെ സംസാരിക്കുകയും കൃത്യനിര്‍വഹണം തടസ്സപ്പെടുത്തുകയും ചെയ്തുവെന്ന കേസില്‍ യുവാവ് അറസ്റ്റിലായി. സംഭവത്തില്‍ രണ്ടുപേര്‍ക്കെതിരെ കുമ്പള പോലീസ് കേസെടുത്തിട്ടുണ്ട്. പ്രതികളില്‍ ഒരാളായ കുമ്പള പൊലീസ് സ്റ്റേഷന്‍ പരിധിയിലെ ഫര്‍സീനെ (32) ആണ് അറസ്റ്റ് ചെയ്തത്. തിങ്കളാഴ്ച പുലര്‍ച്ചെ അഞ്ചു മണിയോടെ സഹകരണ ആശുപത്രിയിലാണ് സംഭവം നടന്നത്. പരിക്കേറ്റ നിലയിലാണ് യുവാവും മറ്റൊരാളും ആശുപത്രിയിലെത്തിയത്. ഡ്യൂട്ടിയിലുണ്ടായിരുന്ന വനിതാ ഡോക്ടറാണ് പരിശോധന നടത്തിയത്. എങ്ങനെയാണ് പരിക്കേറ്റതെന്ന് ചോദിച്ചപ്പോള്‍ ഫര്‍സീനും കൂടെയുണ്ടായിരുന്ന ആളും അപമര്യാദയായി പെരുമാറുകയും കൃത്യനിര്‍വഹണം തടസപ്പെടുത്തുകയും ചെയ്തതായി പൊലീസില്‍ നല്‍കിയ പരാതിയില്‍ പറയുന്നു.
Post a Comment
0 Comments