കാസര്‍കോട്: ഉപ്പളയില്‍ വെട്ടേറ്റു പരിക്കുകളോടെ ആശുപത്രിയില്‍ പ്രവേശിപ്പിച്ചയാള്‍ മരിച്ചു. പയ്യന്നൂര്‍ സ്വദേശി സുരേഷ് കുമാറാ(48)ണ് മരിച്ചത്. ചൊവ്വാഴ്ച രാത്രി 10 മണിയോടെയാണ് സംഭവം. സുരേഷിനെ പത്വാടി സ്വദേശി സവാദ്(23) ആണ് ടൗണില്‍ വച്ച് വെട്ടി പരിക്കേല്‍പ്പിച്ചത്. പരിക്കേറ്റ് നിലത്ത് വീണ സുരേഷിനെ നാട്ടുകാര്‍ ഉടന്‍ തന്നെ ഉപ്പളയിലെ ആശുപത്രിയില്‍ പ്രവേശിപ്പിച്ചിരുന്നു. പരിക്ക് ഗുരുതരമായതിനാല്‍ പൊലീസിന്റെ സഹായത്തോടെ മംഗളൂരു വെന്‍ലോക് ആശുപത്രിയില്‍ എത്തിച്ചുവെങ്കിലും മരണപ്പെടുകയായിരുന്നു. മരണപ്പെട്ടതോടെ പ്രതിക്കു വേണ്ടിയുള്ള അന്വേഷണം മഞ്ചേശ്വരം പൊലീസ് ഊര്‍ജിതമാക്കി. ഉപ്പളയിലെ ഫ്‌ലാറ്റിലെ വാച്ചുമാനാണ് കൊല്ലപ്പെട്ട സുരേഷ്. സവാദും സുരേഷ് കുമാറും തമ്മില്‍ വാക്കേറ്റം നടന്നതായി പറയുന്നു. അതേസമയം കൊലപ്പെടുത്താനുള്ള കാരണം വ്യക്തമല്ല.
Post a Comment
0 Comments