ഭര്തൃവീട്ടില് 22കാരിയെ മരിച്ച നിലയില് കണ്ടെത്തിയ സംഭവത്തില് ആത്മഹത്യാക്കുറിപ്പ് കണ്ടെത്തി പോലീസ്. ഫേസ്ബുക്ക് സ്റ്റാറ്റസിലാണ് ആത്മഹത്യാക്കുറിപ്പുള്ളത്. പിതാവിന്റെ മരണത്തില് ദുഃഖിതയാണെന്നും പിതാവിനൊപ്പം പോകുന്നുവെന്നുമാണ് കുറിപ്പിലുള്ളത്. എന്നാല് സ്റ്റാറ്റസ് ഇട്ടത് പെണ്കുട്ടി തന്നെയാണോ എന്ന് പോലീസ് പരിശോധിക്കുന്നുണ്ട്.
ആലപ്പുഴ നഗരസഭയില് ലെജനത്ത് വാര്ഡില് ആസിയയാണ് മരിച്ചത്. നാല് മാസം മുമ്ബായിരുന്നു ഡെന്റല് ടെക്നീഷ്യയായിരുന്ന ആസിയയുടെ വിവാഹം. വിവാഹത്തിന് ഒരു മാസം മുമ്ബാണ് ആസിയയുടെ പിതാവ് മരിച്ചത്.
മൂവാറ്റുപുഴയില് താമസിച്ച് ജോലി ചെയ്തുവരുന്ന ആസിയ ആഴ്ച്ചയില് ഒരു ദിവസമാണ് ഭര്തൃവീട്ടില് വരുന്നത്. ഞായറാഴ്ച ഭര്ത്താവും മാതാപിതാക്കളും പുറത്ത് പോയി വന്നപ്പോഴാണ് ആസിയയെ വീടിനുള്ളില് മരിച്ച നിലയില് കണ്ടെത്തിയത്. ഉടന് ആശുപത്രില് എത്തിച്ചെങ്കിലും ജീവന് രക്ഷിക്കാനായില്ല. സ്വകാര്യ ബാങ്ക് ജീവനക്കാരനാണ് ഭര്ത്താവ്. പോലീസ് ആസിയയുടെ ബന്ധുക്കളുടെ മൊഴി രേഖപ്പെടുത്തും. ഇന്ന് ആലപ്പുഴ വണ്ടാനം മെഡിക്കല് കോളേജില് പോസ്റ്റ്മോര്ട്ടം നടക്കും.
Post a Comment
0 Comments