രോഗവ്യാപനത്തിനൊപ്പം മരണസംഖ്യ ഉയരുന്നതും സമ്പര്ക്ക രോഗികളുടെ എണ്ണം ഉള്പ്പടെ ക്രമാതീതമായി ഉയരുന്നതും ജില്ലയെ ഭീതിയിലാഴ്ത്തുന്നു. കോവിഡിന്റെ പിടിയിലമരുന്നു എന്നതിന്റെ സൂചനയാണ് അടുത്ത അഞ്ചു ദിവസങ്ങളിലെ ഏറ്റവും കൂടിയ രോഗ വ്യപനതോത്. ശനിയാഴ്ച മാത്രം രോഗികളുടെയും സമ്പര്ക്ക രോഗികളുടെയും എണ്ണം ഇതുവരെ ഉണ്ടായിട്ടില്ലാത്തത്ര ഉയര്ന്ന രീതിയിലാണെന്നത് ആശങ്കാജനകമാണ്. ഇതോടെ ജില്ലയിലെ രോഗബാധിതരുടെ എണ്ണം 1797 ആയി. മൂന്നാംഘട്ടത്തില് മാത്രം 1618 പേര്ക്കാണ് രോഗം ബാധിച്ചത്. നിലവില് 752 രോഗികളാണ് വിവിധ ആസ്പത്രികളിലായി ചികിത്സയില് കഴിയുന്നത്.
ഇന്നലെ പോസിറ്റീവായവരില് 11 മാസം പ്രായമുള്ള കുഞ്ഞടക്കം 28 കുട്ടികളും ആറ് അറുപത് വയസിന് മുകളിലുള്ളവരും ഉള്പ്പെടുന്നു. സ്ഥാപനങ്ങളില് 951 വീടുകളില് 2662 പേരുമുള്പ്പെടെ 3613 പേരാണ് ജില്ലയില് കോവിഡ് നിരീക്ഷണത്തിലുള്ളത്. പുതിയതായി 261 പേരെ കഴിഞ്ഞ ദിവസം ആസ്പത്രിയില് നിരീക്ഷണത്തില് പ്രവേശിപ്പിച്ചു.
Post a Comment
0 Comments