കന്നഡ സിനിമാ നടന്‍ ശേഖര്‍ ഭണ്ഡാരി കാര്‍ക്കള കൊവിഡ് ബാധിച്ചു മരിച്ചു

മംഗളൂരു (www.evisionnews.co): തുളു, കന്നഡ സിനിമാനടനും, എഴുത്തുകാരനും ഹാസ്യനാടക നടനുമായ ശേഖര്‍ ഭണ്ഡാരി കാര്‍ക്കള കൊവിഡ് ബാധിച്ച് മരിച്ചു. 72 വയസായിരുന്നു. കാര്‍ക്കാള സ്വദേശിയാണ്. ചുമയും ശ്വാസ തടസവും അനുഭവപ്പെട്ടതിനേ തുടര്‍ന്ന് ഒരാഴ്ച മുമ്പ് മംഗളൂരുവിലെ ഒരു സ്വകാര്യ ആശുപത്രിയില്‍ പ്രവേശിപ്പിച്ചിരുന്നു. പിന്നീട് കൊവിഡ് സ്ഥിരീകരണം വന്നിരുന്നു. ഇന്നു രാവിലെ മരണത്തിന് കീഴടങ്ങി. 

 

മംഗളൂരുവിലെ അറിയിപ്പെടുന്ന സിനിമാ നിര്‍മാതാവും ഹാസ്യ കവിയും, ചുട്ടു സാഹിത്യകാരനും തീയേറ്റര്‍ ആര്‍ടിസ്റ്റും തുടങ്ങി ബഹുമുഖപ്രതിഭയായിരുന്നുന. ദക്ഷിണ കന്നഡ രയോത്സവ അവാര്‍ഡ് ജേതാവുമായിരുന്നു. നാടകത്തിലൂടെയാണ് അദ്ദേഹം സിനിമയില്‍ അരങ്ങേറ്റം കുറിച്ചത്. വില്ലന്‍, വില്ലന്‍, ഹാസ്യനടന്‍, സഹനടന്‍ എന്നീ കഥാപാത്രങ്ങളെ കേന്ദ്രീകരിച്ച് സാഹിത്യരംഗത്ത് വളര്‍ന്ന തന്റെ പ്രവര്‍ത്തനങ്ങളില്‍ ശ്രദ്ധ കേന്ദ്രീകരിച്ചിരുന്നു. നനു ഹേമന്ദ് അവളു സേവന്തി, ഐഡോണ്ടള ഐതു, ലൗ തുടങ്ങിയ നിരവധി ചിത്രങ്ങളില്‍ അഭിനയിച്ചിട്ടുണ്ട്. ദേവര്‍ എന്ന തുളു ചിത്രത്തിന്റെ നിര്‍മാതാവുമായിരുന്നു. ദക്ഷിണ കന്നഡ ജില്ലാതല രാജ്യോത്സവ അവാര്‍ഡ് 2018ല്‍ ലഭിച്ചിരുന്നു. 

 

കാര്‍ക്കാളയിലെ ബാബു ഭണ്ഡാരിയുടെയും അഭ്യ ഭണ്ഡാരിയുടെയും മകനാണ്. കോളേജ് പഠനകാലത്തുതന്നെ നാടകവേദികളില്‍ സജീവമായിരുന്നു. കാര്‍ക്കളയില്‍ ബിരുദ പഠനം പൂര്‍ത്തിയാക്കിയ ശേഖര്‍ പിന്നീട് ബാങ്കില്‍ ജോലി നേടി. ഒപ്പം നാടകവും സിനിമയും എഴുത്തും നടത്തിയിരുന്നു. ബംഗളൂരുവിലെ വിജയ ബാങ്കിലെ യശ്വന്ത്പുര ബ്രാഞ്ചില്‍ ജോലി ചെയ്ത ശേഷമാണ് വിരമിച്ചതിന് ശേഷം മുഴുവന്‍ സമയവും സിനിമാ മേഖലയില്‍ പ്രവര്‍ത്തിച്ചുവരികയായിരുന്നു.