പെരിയ മൂന്നാം കടവിൽ ലോറി നിയന്ത്രണംവിട്ട് മറിഞ്ഞ് ഒരാൾ മരിച്ചു

കാസർകോട്: (www.evisionnews.co) പെരിയ മൂന്നാം കടവിൽ ലോറി നിയന്ത്രണംവിട്ട് മറിഞ്ഞ് ലോറിക്കടിയിൽപ്പെട്ട് ഒരാൾ മരിച്ചു. തമിഴ്നാട് പൊള്ളാച്ചി സ്വദേശി മണി ( 43)യാണ് മരിച്ചത്. 

ഇന്ന് രാവിലെ എട്ടരയോടെയാണ് അപകടം.വൈദ്യുത പോസ്റ്റുകൾ കൊണ്ടുപോവുകയായിരുന്ന ലോറി നിയന്ത്രണം വിട്ട് മറിയുകയായിരുന്നു. 

ലോറി ജീവനക്കാരായ ശക്തിവേലു, കുമാർ , രക്ഷാപ്രവർത്തനത്തിനെത്തിയ ഫയർഫോഴ്സ് ജീവനക്കാരായ മനോജ്, കെഎം ലതീഷ് എന്നിവർക്കും പരിക്കേറ്റു.