തിരുവനന്തപുരം (www.evisionnews.co): മാധ്യമപ്രവര്ത്തകന് കെ.എം ബഷീറിനെ വാഹനമിടിച്ച് കൊലപ്പെടുത്തിയ സംഭവം നടക്കുമ്പോള് താന് മദ്യപിച്ചിരുന്നില്ലെന്ന് സസ്പെന്ഷനിലായ ഐ.എ.എസ് ഉദ്യോഗസ്ഥന് ശ്രീറാം വെങ്കിട്ടരാമന്. ചീഫ് സെക്രട്ടറിക്ക് നല്കിയ വിശദീകരണത്തിലാണ് ശ്രീറാം ഇക്കാര്യം പറഞ്ഞത്.
അതിനിടെ ശ്രീറാമിന്റെ സസ്പെന്ഷന് കാലാവധി രണ്ടുമാസത്തേക്കു കൂടി സര്ക്കാര് നീട്ടി. ക്രിമിനല് നടപടികള് നേരിടുന്നതിനാലാണിത്. അപകടം നടക്കുമ്പോള് കൂടെയുണ്ടായിരുന്ന സുഹൃത്ത് വഫ ഫിറോസാണ് കാര് ഓടിച്ചിരുന്നതെന്നും ഏഴുപേജുള്ള വിശദീകരണക്കുറിപ്പില് അദ്ദേഹം പറയുന്നു. തന്റെ വാദം കേള്ക്കണമെന്നും സര്വീസില് തിരിച്ചെടുക്കണമെന്നും അദ്ദേഹം അഭ്യര്ത്ഥിച്ചു. ചീഫ് സെക്രട്ടറി, ആഭ്യന്തര സെക്രട്ടറി, ഉദ്യോഗസ്ഥ ഭരണ പരിഷ്കാര സെക്രട്ടറി എന്നിവരടങ്ങുന്ന സമിതി വിശദീകരണ കുറിപ്പ് പരിശോധിച്ച ശേഷം തുടര് നടപടി സ്വീകരിക്കും.
Post a Comment
0 Comments