കുമ്പള (www.evisionnews.co): ടൗണിലെ ഹൈമാസ്റ്റ് ലൈറ്റ് ഓഫാക്കി കടകളില് കവര്ച്ച. കവര്ച്ചക്ക് ശേഷം ലൈറ്റ് ഓണാക്കി മോഷ്ടാക്കള് സ്ഥലംവിട്ടു. കുമ്പള ടൗണില് കഴിഞ്ഞ ദിവസം രാത്രിയാണ് സംഭവം. കുമ്പള പഴയ ജില്ലാ സഹകരണ ആസ്പത്രിക്ക് സമീപത്തെ കെ.പി മുനീറിന്റെ ഉടമസ്ഥതയില് ടെമ്പിള് ക്രോസ് റോഡില് പ്രവര്ത്തിക്കുന്ന കുമ്പള മെഡിക്കല് സ്റ്റോറിന്റെ ജനല് കമ്പികള് അടര്ത്തി മാറ്റി അകത്തുകടന്ന് 2000 രൂപ കവര്ന്നു. സി.സി.ടി.വിയുടെ ക്യാമറ വയറുകള് മുറിച്ച നിലയിലാണ്. മരുന്നുകളും ഫയലുകളും വലിച്ചെറിഞ്ഞ് നശിപ്പിച്ചിട്ടുണ്ട്. സുലൈമാന് കരിവെള്ളൂരിന്റെ ഉടസ്ഥതയില് പ്രവര്ത്തിക്കുന്ന ഫ്രണ്ട്ലൈന് പ്രിന്റിംഗ് പ്രസിലും കവര്ച്ച നടന്നു. ഇവിടെ ഷട്ടര് തകര്ത്ത് അകത്തുകയറി പതിനായിരം രൂപയാണ് കവര്ന്നത്.
കുമ്പള കുണ്ടങ്കരടുക്കയിലെ നവീനിന്റെ ഉടമസ്ഥതയിലുള്ള ഇരുചക്രവാഹന ഗ്യാരേജില് നിന്ന് ആയിരം രൂപയും കുമ്പള റെയില്വേ സ്റ്റേഷനടുത്ത അബ്ദുല്കരീമിന്റെ കൂള്ഡ്രിംഗ്സ് സ്ഥാപനത്തിന്റെ ജനല് കമ്പി തകര്ത്ത് 2000 രൂപയും കവര്ന്നു. കുമ്പള കൃഷ്ണ നഗറിലെ വസന്തന്റെ ഉടസ്ഥതയിലുള്ള ലക്ഷ്മി ബ്യൂട്ടി പാര്ലര് സലൂണില് നിന്ന് 2000 രൂപയും രാജേന്ദ്രന്റെ ഉടമസ്ഥതയിലുള്ള സലൂണില് നിന്ന് 4000 രൂപയും കവര്ന്നു. കുമ്പള പൊലീസ് കേസെടുത്ത് അന്വേഷിച്ചുവരുന്നു.
Post a Comment
0 Comments