കാസര്‍കോട് (www.evisionnews.co): കൂട്ടുകാരോടൊപ്പം പുഴയില്‍ കുളിക്കാനിറങ്ങിയ പ്ലസ് വണ്‍ വിദ്യാര്‍ത്ഥി മുങ്ങിമരിച്ചു. ധര്‍മത്തടുക്ക ഹയര്‍ സെക്കന്ററി സ്‌കൂളിലെ വിദ്യാര്‍ത്ഥിയും ധര്‍മത്തടുക്കയിലെ ഇബ്രാഹിമിന്റെ മകനുമായ സിദ്ദീഖാ (16)ണ് മരിച്ചത്. ശനിയാഴ്ച വൈകിട്ട് 3.30മണിയോടെയാണ് സംഭവം. സ്‌കൂള്‍ അവധിയായതിനാല്‍ ചള്ളങ്കയം പുഴയില്‍ കൂട്ടുകാരോടൊപ്പം കുളിക്കാനെത്തിയതായിരുന്നു സിദ്ദീഖ്. കുളിക്കുന്നതിനിടെ ഒഴുക്കില്‍പെട്ട കുട്ടിയെ സുഹൃത്തുക്കള്‍ രക്ഷിക്കാന്‍ ശ്രമിച്ചെങ്കിലും ഫലമുണ്ടായില്ല.
വിവരമറിയിച്ചതിനെ തുടര്‍ന്ന് ഫയര്‍ഫോഴ്സെത്തി നാട്ടുകാരുടെ സഹായത്തോടെ തിരച്ചില്‍ നടത്തുന്നതിനിടെ വൈകിട്ട് നാലു മണിയോടെയാണ് മൃതദേഹം കണ്ടെത്തിയത്. പോസ്റ്റു മോര്‍ട്ടത്തിനായി മൃതദേഹം മംഗല്‍പാടി ആശുപത്രിയിലേക്ക് മാറ്റി.
Post a Comment
0 Comments