തിരുവനന്തപുരം (www.evisionnews.co): ഉപതെരഞ്ഞെടുപ്പ് നടക്കുന്ന വട്ടിയൂര്ക്കാവില് ബി.ജെ.പിയുടെ സാധ്യതാ പട്ടികയില് ഇടംനേടി കുമ്മനം രാജശേഖരന്. സ്ഥാനാര്ഥിയായി കുമ്മനത്തെ നിര്ത്തണമെന്നാണ് ബി.ജെ.പി ജില്ലാ നേതൃത്വത്തിന്റെ നിലപാട്. എന്നാല് താന് മത്സരിക്കാനില്ലെന്ന് കുമ്മനം രാജശേഖരന് നേരത്തെ വ്യക്തമാക്കിയിരുന്നു. കുമ്മനം മത്സരിക്കണോ എന്ന അന്തിമ തീരുമാനം കേന്ദ്രത്തിന് വിട്ടുനല്കാനാണ് ഇന്ന് കൊച്ചിയില് ചേര്ന്ന ബി.ജെ.പി കോര്ഗ്രൂപ്പ് യോഗത്തില് തീരുമാനമായത്.
തെരഞ്ഞെടുപ്പില് മത്സരിക്കുമെന്ന വാര്ത്തകള് നിരാകരിച്ച കുമ്മനം താന് മത്സരിക്കുന്നില്ലെന്ന് പാര്ട്ടിയെ അറിയിച്ചിരുന്നു എന്നാണ് കൊച്ചിയില് നടന്ന കോര് കമ്മിറ്റി യോഗത്തില് മാധ്യമങ്ങളോട് പ്രതികരിച്ചത്. വട്ടിയൂര്ക്കാവിലെ വിജയ സാധ്യത മുന്നില്ക്കണ്ട് കുമ്മനം തന്നെ മത്സരിക്കണമെന്നായിരുന്നു കോര് കമ്മിറ്റിയുടെ നിലപാട്. തുടര്ന്ന് കുമ്മനത്തിന്റെ പേര് കൂടി ഉള്പ്പെടുത്തി സ്ഥാനാര്ഥികളുടെ പട്ടിക എന്.ഡി.എക്കും കേന്ദ്ര തെരഞ്ഞെടുപ്പ് കമ്മിറ്റിയ്ക്കും അയക്കുകയായിരുന്നു.
Post a Comment
0 Comments