മുംബൈ (www.evisionnews.co): മുംബൈ നഗരത്തില് കനത്ത മഴ സാധാരണ ജീവിതം താറുമാറാക്കി. സബര്ബന് റെയില് ഗതാഗത്തെ മഴ വലിയ തോതില് ബാധിച്ചതോടെ നഗര ജീവിതം ദുഷ്കരമായി. നഗരത്തിലും അടുത്ത ജില്ലകളിലും റെഡ് അലര്ട്ട് പ്രഖ്യാപിച്ചിരിക്കുകയാണ്. ഈ വര്ഷം ഇത് മൂന്നാം തവണയാണ് മുംബൈ നഗരം വെള്ളപ്പൊക്കത്തില് വലയുന്നത്. കഴിഞ്ഞ 24 മണിക്കൂറില് 200 മില്ലി മീറ്റര് മഴയാണ് നഗരത്തിലെ മിക്ക ഭാഗങ്ങളിലും രേഖപ്പെടുത്തിയത്. നഗരത്തിലെയും പ്രാന്തപ്രദേശങ്ങളിലെയും സ്കൂളുകള്ക്ക് അവധി പ്രഖ്യാപിച്ചിട്ടുണ്ട്.
താനെ, പല്ഗാര് എന്നീ ജില്ലകളിലും റെഡ് അലര്ട്ട് പ്രഖ്യാപിച്ചിട്ടുണ്ട്. അടുത്ത 24 മണിക്കൂര് കൂടി നഗരത്തിലും അടുത്ത പ്രദേശങ്ങളിലും ശക്തമായ മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദമാണ് മഴയ്ക്ക് കാരണമായത്. റായ്ഗഡ് ജില്ലയില് ഇന്നലെ 300 മില്ലിമീറ്റര് മഴ രേഖപ്പെടുത്തി. പല്ഗാര് , താനെ ജില്ലകളില് 204 മില്ലി മീറ്റര് മഴ രേഖപ്പെടുത്തിയിട്ടുണ്ട്.
Post a Comment
0 Comments