അറബിക്കടലില്‍ 'ഹിക്ക' ചുഴലിക്കാറ്റ്: കേരളത്തില്‍ 25മുതല്‍ മഴ കനക്കും

തിരുവനന്തപുരം (www.evisionnews.co): കനത്ത മഴയുടെ വരവറിയിച്ച് അറബിക്കടലില്‍ 'ഹിക്ക' ചുഴലിക്കാറ്റ് രൂപപ്പെട്ടു. ഈ സീസണിലെ രണ്ടാമത്തെ ചുഴലിക്കാറ്റാണ് ഇത്. വരുന്ന 24മണിക്കൂറില്‍ ഗുജറാത്ത് തീരങ്ങളില്‍ ശക്തമായ കാറ്റിനും മഴയ്ക്കും സാധ്യതയുണ്ട്. സെപ്തംബര്‍ 25ഓടെ ശക്തികുറയുന്ന ഹിക്ക ഒമാന്‍ തീരത്തേയ്ക്ക് പ്രവേശിക്കുമെന്നാണ് കാലാവസ്ഥാ വകുപ്പിന്റെ അറിയിപ്പ്. 

ഹിക്ക ചുഴലിക്കാറ്റിന്റെ ഭീഷണി കേരളത്തില്‍ ഇല്ലെങ്കിലും ബംഗാള്‍ ഉള്‍ക്കടലില്‍ രൂപപ്പെടുന്ന ന്യൂനമര്‍ദ്ദത്തിന്റെ സ്വാധീന ഫലമായി സെപ്തംബര്‍ 25-26 തീയതികളില്‍ കേരളത്തില്‍ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.