കാസര്കോട് (www.evisionnews.co): നിയമസഭാ ഉപതിരഞ്ഞെടുപ്പുമായി ബന്ധപ്പെട്ട് കേരളത്തിലെ വിവിധ ജില്ലകളില് ഡി.വൈ.എസ്.പിമാര്ക്ക് കൂട്ടത്തോടെ സ്ഥലംമാറ്റം. കാസര്കോട് എ.എസ്.പി ഡി. ശില്പയെ കണ്ണൂരിലേക്ക് സ്ഥലം മാറ്റിയിട്ടുണ്ട്. കണ്ണൂര് എ.എസ്.പിയുടെ ചുമതലയാണ് ശില്പയ്ക്ക്. കണ്ണൂര് ഡി.വൈ.എസ്.പി പി.പി സദാനന്ദനെ കാസര്കോട് ഡി.വൈ.എസ്.പിയായി പകരം നിയമിച്ചു. മികച്ച അന്വേഷണ ഉദ്യോഗസ്ഥനാണെന്ന പ്രശംസ നേടിയ പി.പി. സദാനന്ദനാണ് ഇനി കാസര്കോടിന്റെ ക്രമസമാധാന ചുമതല.
മട്ടാഞ്ചേരി എ.സി.പി പി.എസ് സുരേഷിനെ പത്തനംതിട്ട ഡി.വൈ.എസ്.പിയായും പത്തംനംതിട്ട ഡി.വൈ.എസ്.പി കെ. സജീവിനെ മട്ടാഞ്ചേരി എ.സി.പിയായും തൃശൂര് എ.സി.പി വി.കെ രാജുവിനെ തൃക്കാക്കര എ.സി.പിയായും കന്റോണ്മെന്റ് എ.സി.പി ഡി.എസ് സുനീഷ്ബാബുവിനെ തിരുവനന്തപുരം റൂറല് ഡി.വൈ.എസ്.പിയായും തിരുവനന്തപുരം റൂറല് ഡി.വൈ.എസ്. പിടി ശ്യാംലാലിനെ കന്റോണ്മെന്റ് എ.സി.പിയായും മാറ്റിനിയമിച്ചിട്ടുണ്ട്. കഴക്കൂട്ടം സൈബര് സിറ്റി എ.സി.പി ആര്. അനില് കുമാറിനെ തിരുവനന്തപുരം ഇന്റേണല് സെക്യൂരിറ്റി ഡി.വൈ.എസ്.പിയായും എറണാകുളം റേഞ്ച് എ.സി.പി പി.വി ബേബിയെ കഴക്കൂട്ടം സൈബര് സിറ്റി എ.സി.പിയായും നിയമിച്ചു.
Post a Comment
0 Comments