304-ാം വകുപ്പ് പ്രകാരം നരഹത്യക്ക് കേസെടുത്തു. മദ്യപിച്ചാണ് വണ്ടി ഓടിച്ചതെന്ന് രക്തപരിശോധനയില് കൂടി തെളിഞ്ഞാല് മോട്ടോര് വെഹിക്കിള് ആക്ട് 185 വകുപ്പു കൂടി ചുമത്തി പൊലീസ് ശ്രീറാമിനെതിരെ കേസെടുക്കും. മൂന്ന് വര്ഷം വരെ തടവുശിക്ഷ ലഭിക്കാവുന്ന ഗുരുതരമായ ക്രിമിനല്ക്കുറ്റമാണിത്. എഫ്ഐആറില് പ്രതിയാവുന്ന പക്ഷം സിവില് സര്വ്വീസ് ചട്ടമനുസരിച്ച് ഐഎഎസുകാരനും സര്വ്വേ വകുപ്പ് ഡയറക്ടറുമായ ശ്രീറാമിന് സസ്പെന്ഷന് ലഭിച്ചേക്കാം എന്നാണ് നിയമവിദഗ്ദ്ധര് ചൂണ്ടിക്കാട്ടുന്നത്.
ശനിയാഴ്ച പുലര്ച്ചെ വഫയും ശ്രീറാം വെങ്കിട്ടരാമനും സഞ്ചരിച്ചിരുന്ന കാറിടിച്ച് സിറാജ് ദിനപത്രത്തിന്റെ തിരുവനന്തപുരം ബ്യൂറോ ചീഫ് കെ.എം. ബഷീര് മരിച്ചിരുന്നു. അമിതവേഗത്തില് വന്ന കാര് ബൈക്കിന് പിന്നിലിടിച്ചായിരുന്നു അപകടം. കാര് ഓടിച്ചിരുന്ന ശ്രീറാം വെങ്കിട്ടരാമന് മദ്യപിച്ച നിലയിലായിരുന്നു. എന്നാല് വഫയാണ് കാറ് ഓടിച്ചിരുന്നതെന്നാണ് ശ്രീറാം പോലീസിനോട് പറഞ്ഞിരുന്നത്. ഇതേ തുടര്ന്നാണ് മജിസ്ട്രേറ്റിന് മുന്നില് വഫയുടെ രഹസ്യമൊഴി രേഖപ്പെടുത്താന് പോലീസ് തീരുമാനിച്ചത്.
Post a Comment
0 Comments