തിരുവനന്തപുരം (www.evisionnews.co): മാധ്യമപ്രവര്ത്തകന് കെ.എം ബഷീറിന്റെ മരണത്തിനിടയാക്കിയ വാഹനാപകടത്തില് കാറോടിച്ചത് ഐ.എ.എസ് ഉദ്യോഗസ്ഥനായ ശ്രീറാം വെങ്കട്ടരാമന് തന്നെയെന്ന് പോലീസ് സ്ഥിരീകരിച്ചതായി റിപ്പോര്ട്ട്.
ശ്രീറാമിനൊപ്പമുണ്ടായിരുന്ന സുഹൃത്ത് വഫയും സമാനമായ മൊഴിയാണ് നല്കിയതെന്ന് മീഡിയ വണ് റിപ്പോര്ട്ട് ചെയ്യുന്നു. ഇന്നലെ രാത്രിയാണ് അമിതവേഗതയില് വന്ന് കാറിടിച്ച് സിറാജ് ദിനപത്രത്തിലെ തിരുവനന്തപുരം യൂണിറ്റ് മേധാവി കെ.എം ബഷീര് മരിച്ചത്. തിരുവനന്തപുരം മ്യൂസിയം പൊലീസ് സ്റ്റേഷന് സമീപം പബ്ലിക് ഓഫീസിന് മുന്നില് വെച്ചായിരുന്നു സംഭവം.
തിരുവനന്തപുരത്തെ മാധ്യമപ്രവര്ത്തകന്റെ മരണത്തില് അനുശോചിച്ച് മുഖ്യമന്ത്രി കൊല്ലത്ത് സിറാജ് പ്രമോഷന് കൗണ്സില് യോഗത്തില് പങ്കെടുത്ത ശേഷം തിരുവനന്തപുരം റെയില്വേ സ്റ്റേഷനില് ഇറങ്ങി വീട്ടിലേക്ക് മടങ്ങുകയായിരുന്നു ബഷീര്. വൈദ്യപരിശോധനയില് ശ്രീറാം വെങ്കിട്ടരാമന് മദ്യപിച്ചിരുന്നതായി കണ്ടെത്തി.
കാറോടിച്ചത് താനല്ലെന്നും സുഹൃത്താണെന്നും ശ്രീറാം വെങ്കട്ടരാമന് പറഞ്ഞെങ്കിലും കാറോടിച്ചത് ശ്രീറാമാണെന്നാണ് ദൃക്സാക്ഷികള് പറഞ്ഞിരുന്നു. അതേസമയം ശ്രീറാം വെങ്കിട്ടരാമന്റെ കാറിടിച്ച് മാധ്യമപ്രവര്ത്തകന് കെ.എം ബഷീര് മരിച്ച സംഭവത്തില് പൊലീസിന്റെ ഭാഗത്ത് നിന്ന് ഗുരുതര വീഴ്ചയുണ്ടായി.
Post a Comment
0 Comments