ദക്ഷിണ്‍ ഡയര്‍- ക്രോസ് കണ്‍ട്രി കാര്‍ റാലിയില്‍ മൂസ ഷരീഫ് സഖ്യത്തിന് മൂന്നാം കിരീടം

കാസര്‍കോട് (www.evisionnews.co): ബാംഗ്ലൂരില്‍ നിന്ന് ആരംഭിച്ച് ഹൂബ്ലിയില്‍ സമാപിച്ച അഞ്ചു ദിവസം നീണ്ട ദക്ഷിണ്‍ ഡയര്‍- ക്രോസ് കണ്‍ട്രി കാര്‍ റാലിയില്‍ മൂസാ ഷരീഫ്- ഗൗരവ് ഗില്‍ സഖ്യം മൂന്നാം കിരീടം നേടി.ദക്ഷിണേന്ത്യയിലെ ഏറെ പ്രസിദ്ധവും അതിലേറെ സാഹസികതയും നിറഞ്ഞ റാലിയാണ് ദക്ഷിണ്‍ ഡയര്‍-ക്രോസ്സ് കണ്‍ട്രി കാര്‍ റാലി.2000 കിലോമീറ്റര്‍ ദൈര്‍ഘ്യമുള്ള ഏറെ ദുഷ്‌കരമായ പാതയിലൂടെയുള്ള ഈ റാലി മൂന്ന് സംസ്ഥാനങ്ങളിലൂടെയാണ് കടന്ന് പോയത്. നിശ്ചിത ദൂരം നാല് പകലുകളിലായിസഞ്ചരിച്ച് എതിരാളികളെ

എട്ടു മിനുറ്റ് 48 സെക്കന്റ് എന്ന മാര്‍ജിനില്‍ ബഹുദൂരം പിന്നിലാക്കിയാണ് മൂസാ ഷരീഫ്- ഗൗരവ് ഗില്‍ സഖ്യം ഓവറോള്‍ കിരീട നേട്ടം കൊയ്തത്. മഹീന്ദ്രഎക്സ്. യു.വി -500 കാര്‍ ഉപയോഗിച്ച് മഹീന്ദ്ര അഡ്വെഞ്ചര്‍- ജെ.കെ ടയര്‍ ടീമിനെ പ്രതിനിധീകരിച്ചാണ് ഈ സഖ്യം കളത്തിലിറങ്ങിയത്.

മത്സരിച്ച മൂന്ന് ദക്ഷിണ്‍ ഡയര്‍ ക്രോസ് കണ്‍ട്രി റാലിയിലും ജേതാക്കളാവുക എന്ന ബഹുമതിയും ഇതോടെ ഈ സഖ്യത്തിന് സ്വന്തമായി. 2012, 2018 വര്‍ഷങ്ങളിലാണ് ഇതിന് മുമ്പ് ദക്ഷിണ്‍ ഡയര്‍ ക്രോസ്സ് കണ്‍ട്രി റാലിയില്‍ ഇവര്‍ വെന്നിക്കൊടി പാറിച്ചത്. ഏഴാം ദേശീയ കാര്‍ റാലി ചാമ്പ്യന്‍ പട്ടം ലക്ഷ്യമിടുന്ന ഇന്ത്യന്‍ കാര്‍ റാലി സര്‍ക്യൂട്ടിലെ മികച്ച ജോഡികളായ മൂസാ ഷരീഫ്- ഗൗരവ് ഗില്‍ സഖ്യം അടുത്ത ആഴ്ച കോയമ്പത്തൂരില്‍ നടക്കുന്നദേശീയ കാര്‍ റാലി ചാമ്പ്യന്‍ഷിപ്പ് 2019ന്റെ രണ്ടാം റൗണ്ടില്‍ മത്സരിക്കാനുള്ള തയാറെടുപ്പിലാണ്.