കേരളം (www.evisionnews.co): 'പ്രളയം, വിഭവ പ്രതിസന്ധിയുണ്ടാക്കി. അസാധ്യമായി ഒന്നുമില്ലയെന്ന് കേരള ജനത തെളിയിച്ചുവെന്ന് മുഖ്യമന്ത്രി പിണറായി വിജയന്. അതേ നിശ്ചയദാര്ഢ്യം തന്നെ ഇപ്പോഴത്തെ വിഷമാവസ്ഥകളില് നിന്ന് കരകയറാന് നമുക്ക് കൈമുതലാകും. നിര്ഭയമായ മനസും സമുന്നതമായ ശിരസുമുള്ള ജനതയാണ് നമ്മള്. അനാചാരങ്ങളെയും അന്ധവിശ്വാസങ്ങളെയും ശാസ്ത്ര വിരുദ്ധമായ മനോഭാവങ്ങളെയും ചെറുത്തു തോല്പ്പിക്കണമെന്നും മുഖ്യമന്ത്രി സ്വാതന്ത്രദിന പ്രസംഗത്തില് പറഞ്ഞു.
കേരളത്തിനെ പുനര്ഃനിര്മിക്കുന്നതാവണം ഈ സ്വാതന്ത്ര്യ ദിനമെന്നും അദ്ദേഹം പറഞ്ഞു. 'എന്ത് ദുരന്തമുണ്ടായാലും നമ്മള് തളരരുത്. നമുക്ക് വേണ്ടി മാത്രമല്ല, വരും തലമുറയ്ക്ക് വേണ്ടി കൂടിയാണ് ഈ പരിശ്രമം. 'സ്വാതന്ത്ര്യം, ജാതി- മത- വംശ- ഉപദേശീയ-സംസ്കാര-ഭാഷ തുടങ്ങിയ ഭേദങ്ങള്ക്കെല്ലാം അതീതമായ സാഹോദര്യം ഇന്ത്യാക്കാരില് ഊട്ടിയുറപ്പിച്ചു.
ഇതിന് അടിത്തറയായത് നമ്മുടെ വിഖ്യാതമായ ഭരണഘടനയാണ്. ഭരണഘടനയുടെ മൂല്യങ്ങളെ കണ്ണിലെ കൃഷ്ണമണി പോലെ കാക്കണമെന്നതാണ് സ്വാതന്ത്ര്യദിനം നല്കുന്ന സന്ദേശം. ഈ മൂല്യങ്ങള് കാത്തുസൂക്ഷിക്കുന്നതില് അപാകതകള് ഉണ്ടായെങ്കില് തിരുത്താന് ശ്രമിക്കേണ്ടതുണ്ട്,' മുഖ്യമന്ത്രി പറഞ്ഞു.
'മതത്തിന്റെ പേരില് വിവേചനമുണ്ടാകുന്നു, മതത്തിന്റെ പേരില് പൗരന്മാരെ നീക്കി നിര്ത്തുന്നു. സമഭാവനയോടെ സര്വരും കഴിയുന്ന സാമൂഹികമായ ജീവിതാവസ്ഥ നേടിയെടുക്കാനുള്ള യാത്രയിലാണ് ഇവിടെ പൊതുമേഖലാ സംരംഭങ്ങള് ഉയര്ന്നത്. എന്നാല് അവ തകരുന്നു. സമ്പത്ത് കുത്തകകളിലേക്ക് മാത്രമായി ഒതുങ്ങുന്നു.' മുഖ്യമന്ത്രി പറഞ്ഞു.
Post a Comment
0 Comments