ന്യൂദല്ഹി (www.evisionnews.co): ഡെലിവറി ബോയ് അഹിന്ദുവായതിന്റെ പേരില് ഓര്ഡര് ചെയ്ത ഭക്ഷണം മടക്കിയയച്ച യുവാവിന് മറുപടിയുമായി സൊമാറ്റോ. അമിത് ശുക്ലയെന്ന യുവാവായിരുന്നു അഹിന്ദുവായ ആളെ ഡെലിവറി ബോയി ആയി അയച്ചതിന്റെ പേരില് ഭക്ഷണം സ്വീകരിക്കാന് തയാറാവാതിരുന്നത്. തുടര്ന്ന് സൊമാറ്റോക്കെതിരെ ഇയാള് രംഗത്തെത്തുകയും ചെയ്തിരുന്നു.
'സൊമാറ്റോയില് ഓര്ഡര് ചെയ്ത ഭക്ഷണം ഡെലിവര് ചെയ്യാന് എത്തിയത് ഒരു അഹിന്ദുവായതിനാല് ഓര്ഡര് കാന്സല് ചെയ്തു. ഡെലിവറി ബോയിയെ മാറ്റാനാവില്ലെന്നാണ് അവര് പറഞ്ഞത്. കാന്സല് ചെയ്തതുകൊണ്ട് റീഫണ്ട് നടക്കില്ലെന്നും അവര് പറയുന്നു. ഡെലിവറി സ്വീകരിക്കണമെന്ന് പറഞ്ഞ് എന്നെ നിര്ബന്ധിക്കാന് നിങ്ങള്ക്കാവില്ല. എനിക്ക് ഈ ഭക്ഷണം ആവശ്യമില്ല. ഓര്ഡര് കാന്സല് ചെയ്യുകയാണ്. റീഫണ്ടും വേണ്ട''- എന്നായിരുന്നു ഇയാള് ട്വിറ്ററില് കുറിച്ചത്. നമോ സര്ക്കാര് എന്നായിരുന്നു ഇയാളുടെ ട്വിറ്റര് ബയോ.
എന്നാല് സംഭവം ശ്രദ്ധയില്പ്പെട്ടതിന് പിന്നാലെ അമിതിന് മറുപടിയുമായി സൊമാറ്റോ രംഗത്തെത്തി. 'ഭക്ഷണത്തിന് മതമില്ല, അതുതന്നെ ഒരു മതമാണ് 'എന്നായിരുന്നു അമിതിന്റെ ട്വീറ്റ് റീ ട്വീറ്റ് ചെയ്തുകൊണ്ട് സൊമാറ്റോ ട്വിറ്ററില് കുറിച്ചത്.
Post a Comment
0 Comments