കോഴിക്കോട് (www.evisionnews.co): മോദി സ്തുതി നടത്തി എ.പി അബ്ദുള്ളക്കുട്ടിയെ കോണ്ഗ്രസില് നിന്നു പുറത്താക്കാന് ധാരണയായി. പുറത്താക്കണമെന്ന കെ.പി.സി.സിയുടെ നിര്ദേശത്തിന് എ.ഐ.സി.സി അനുമതി നല്കി. കണ്ണൂര് ഡി.സി.സിയെ ഇക്കാര്യം അറിയിച്ചിട്ടുണ്ട്. തീരുമാനം കെ.പി.സി.സി തന്നെ ഔദ്യോഗികമായി പ്രഖ്യാപിക്കും.
മോദി ശരിയാണെന്ന് കഴിഞ്ഞ അഞ്ചുവര്ഷം ഭരിച്ചു തെളിയിച്ചതാണെന്നും എല്ലാവരും അദ്ദേഹത്തെ അവഗണിച്ചപ്പോഴാണു താന് അദ്ദേഹത്തിനു വേണ്ടി സംസാരിച്ചതെന്നും അബ്ദുള്ളക്കുട്ടി പറഞ്ഞിരുന്നു. 'മോദി നടപ്പിലാക്കിയത് മികച്ച വികസന മാതൃകയാണ്. മോദി വിരോധം കൊണ്ട് പ്രത്യേകിച്ച് കാര്യമൊന്നുമില്ല. തെരഞ്ഞെടുപ്പിന് ശേഷം മോദി വിരോധം പറഞ്ഞ് നാടിനെ കുട്ടിച്ചോറാക്കരുത്. സഹകരിച്ച് മുന്നോട്ട് പോകണമെന്ന അഭിപ്രായമാണ് എനിക്കുള്ളത്.'- അദ്ദേഹം പറഞ്ഞു.
Post a Comment
0 Comments