തളങ്കരയില്‍ വീടിന് തീപിടിച്ചു

കാസര്‍കോട് (www.evisionnews.co): തളങ്കരയില്‍ വീടിന്റെ മേല്‍ക്കൂരക്ക് തീപിടിച്ചു. തളങ്കര കടവത്ത് ക്രസന്റ് റോഡിലെ ഹുസൈന്റെ വീടിനാണ് തീപിടുത്തമുണ്ടായത്. വെള്ളിയാഴ്ച വൈകിട്ട് 5.30 മണിയോടെയാണ് സംഭവം. പകുതി ഓടുമേഞ്ഞതും പകുതി കോണ്‍ക്രീറ്റും ചെയ്തതാണ് വീട്. വീട്ടിനകത്തു നിന്നും പുക ഉയരുന്നത് കണ്ട് അയല്‍വാസികള്‍ നാട്ടുകാരെയും ഫയര്‍ഫോഴ്സിലും വിവരമറിയിക്കുകയായിരുന്നു. വീടിന്റെ മച്ചും മേല്‍ക്കൂരയും കത്തിനശിച്ചു. മേല്‍ത്തട്ടില്‍ സൂക്ഷിച്ചിരുന്ന വിറകുകളും മറ്റു സാധനസാമഗ്രികളും കത്തിനശിച്ചു. ഫയര്‍ഫോഴ്സിന്റെ ഒരു യൂണിറ്റ് വാഹനം സ്ഥലത്തെത്തിയെങ്കിലും തീപിടിച്ച വീടിനടുത്തേക്ക് കടന്നുപോകാനായില്ല. ഇതേതുടര്‍ന്ന് ഫയര്‍ഫോഴ്സിന്റെ ചെറിയ വാഹനമെത്തിച്ച് തീയണക്കുകയായിരുന്നു. സ്റ്റേഷന്‍ ഓഫീസിര്‍ അരുണിന്റെ നേതൃത്വത്തിലാണ് രക്ഷാപ്രവര്‍ത്തനം നടത്തിയത്.