കാര്‍ ബൈക്കിലിടിച്ച് ബൈക്ക് യാത്രക്കാരന് ഗുരുതര പരിക്ക്

കാസര്‍കോട് (www.evisionnews.co): കാര്‍ ബൈക്കിലിടിച്ച് ബൈക്ക് യാത്രക്കാരന് ഗുരുതരമായി പരിക്കേറ്റു. ശനിയാഴ്ച വൈകിട്ട് അഞ്ചു മണിയോടെ അണങ്കൂര്‍ ദേശീയ പാതയിലാണ് അപകടം. കാസര്‍കോട് തായലങ്ങാടിയിലെ അബ്ദുല്‍ റസാഖി (53)നാണ് പരിക്കേറ്റത്. വിദ്യാനഗര്‍ ഭാഗത്ത് നിന്നും കാസര്‍കോട്ടേക്ക് വരികയായിരുന്ന കെ.എല്‍ 60 കെ 5207 നമ്പര്‍ ബൈക്കില്‍ മറ്റൊരു വാഹനത്തെ മറികടന്നുവന്ന കെ.എല്‍.14 വി 6661 നമ്പര്‍ സ്വിഫ്റ്റ് കാറിടിച്ചാണ് അപകടം സംഭവിച്ചത്. അപകടത്തില്‍ ബൈക്ക് പൂര്‍ണമായും കാര്‍ ഭാഗികമായും തകര്‍ന്നു. പരിക്കേറ്റ അബ്ദുല്‍ റസാഖിനെ കാസര്‍കോട്ടെ സ്വകാര്യ ആസ്പത്രിയില്‍ പ്രവേശിപ്പിച്ചു. വിദഗ്ദ ചികിത്സക്കായി മംഗളൂരു ആസ്പത്രിയിലേക്ക് കൊണ്ടുപോകും.