(www.evisionnews.co) മിസോറാം ഗവര്ണര് കുമ്മനം രാജശേഖരന് ഡിലിറ്റ് ബിരുദം നല്കി ആദരിക്കാനൊരുങ്ങി സര്വകലാശാല. രാജസ്ഥാനിലെ ശ്രീജഗദീഷ്പ്രസാദ് ജബര്മല് തിബ്രേവാല സര്വ്വകലാശാലയാണ് കുമ്മനത്തിന് ഡീലിറ്റ് നല്കുന്നത്. വിവിധ മേഖലകളിലെ സംഭാവനകള് പരിഗണിച്ചാണ് ഡിലിറ്റ് നല്കുന്നതെന്ന് സര്വ്വകലാശാലയുടെ മേല്നോട്ടം വഹിക്കുന്ന രാജസ്ഥാനി സേവാ സംഘിന്റെ ചെയര്പേഴ്സണ് ഡോ. വിനോദ് തിബ്രേവാല വ്യക്തമാക്കി.
സാമൂഹ്യ, സാംസ്കാരിക, ആധ്യാത്മിക, രംഗങ്ങളില് നല്കിയ വിവിധ സേവനങ്ങള്, മാധ്യമ മേഖലയില് അടക്കം നടത്തിയ പ്രവര്ത്തനങ്ങള് എന്നിവ കണക്കിലെടുത്താണ് ബിരുദദാനമെന്നും തിബ്രേവാല അറിയിച്ചു. ഫെബ്രുവരിയില് സര്വ്വകലാശാല ക്യാമ്പസില് നടത്തുന്ന ചടങ്ങില് ബിരുദദാനം നടക്കും. മിസോറാം ഗവര്ണറുടെ വസതിയില് നിന്നുള്ള വാര്ത്താക്കുറിപ്പിലാണ് ഇക്കാര്യം അറിയിച്ചിട്ടുള്ളത്.
Post a Comment
0 Comments