തിരുവനന്തപുരം (www.evisionnews.co): പരിസ്ഥിതി ലോലമേഖലയില് നിന്ന് തോട്ടങ്ങളെ ഒഴിവാക്കാനുള്ള നടപടിയുമായി സര്ക്കാര്. ഇതുമായി ബന്ധപ്പെട്ട് ചട്ടം 300 പ്രകാരം മുഖ്യമന്ത്രി നിയമസഭയില് പ്രസ്താവന നടത്തി. നിലവിലെ വന നിയമങ്ങള് അട്ടിമറിക്കപ്പെടുന്ന നടപടിയാണിത്. കേരള ഫോറസ്റ്റ് (വെസ്റ്റിംഗ് ആന്റ് മാനേജ്മെന്റ് ഓഫ് എക്കളോജിക്കലി ഫ്രെജൈല് ലാന്റ്) ആക്ടിന്റെ പരിധിയില് നിന്നും തോട്ടങ്ങളെ ഒഴിവാക്കാന് കഴിഞ്ഞ ദിവസം ചേര്ന്ന മന്ത്രിസഭാ യോഗത്തില് തീരുമാനിച്ചുവെന്ന് മുഖ്യമന്ത്രി പറഞ്ഞു. അതേസമയം, ഈതീരുമാനം കേരളത്തിലെ പരിസ്ഥിതി ലോല പ്രദേശങ്ങള്ക്ക് കനത്ത ആഘാതം സൃഷ്ടിക്കുന്നതാണെന്ന് പരിസ്ഥിതി പ്രവര്ത്തകര് ചൂണ്ടിക്കാട്ടുന്നു.
മുഖ്യമന്ത്രി സഭയില് നടത്തിയ പ്രസ്താവന
കേരളത്തിന്റെ ഭൂമിശാസ്ത്രപരമായ സവിശേഷതകളാല് രൂപപ്പെട്ടു വന്നതാണ് തോട്ടം മേഖല. പശ്ചിമഘട്ട മലകളിലേയും മലയോരപ്രദേശങ്ങളിലെയും ഭൂപ്രകൃതി ഇത്തരം വിളകള്ക്ക് അനുയോജ്യമാണ് എന്നതിനാല് ചരിത്രപരമായി ഈ മേഖലയില് തോട്ടങ്ങള് രൂപപ്പെട്ടു വന്നു. റബ്ബര്, തേയില, കാപ്പി, ഏലം തുടങ്ങിയ വിളകളാണ് പ്രധാനമായും കൃഷി ചെയ്യുന്നത്. ഇവയുടെ വിള വിസ്തൃതി ഏകദേശം 7.04 ലക്ഷം ഹെക്ടറോളം വരുന്നതുമാണ്.
തോട്ടം വിളകളുടെ സവിശേഷത അവ പൂര്ണ്ണമായും കമ്പോളത്തെ ലക്ഷ്യം വച്ച് കൃഷി ചെയ്യുന്നതാണ്. ആഗോള മാര്ക്കറ്റുകളില് ഉണ്ടാകുന്ന ചാഞ്ചാട്ടങ്ങള് ഉള്പ്പടെ ഈ മേഖലയെ സ്വാധീനിച്ചു വരുന്നവയാണ്. കേരളത്തിലെ തോട്ടം മേഖല വമ്പിച്ച പ്രതിസന്ധിയെ നേരിട്ടു കൊണ്ടിരിക്കുന്ന ഘട്ടത്തിലാണ് ഈസര്ക്കാര് അധികാരത്തില് വന്നത്. അവിടെ നിലനിന്ന പ്രതിസന്ധി കൃഷിക്കാരുടെയും തൊഴിലാളികളുടെയും ജീവിതത്തെ പ്രതികൂലമായി ബാധിച്ചതു വഴി സാമൂഹ്യസംഘര്ഷങ്ങള് തന്നെ രൂപപ്പെട്ടുവന്നിരുന്നു. കടുത്ത സാമ്പത്തിക സമ്മര്ദ്ദങ്ങള് ഭൂവിനിയോഗ മാറ്റങ്ങള്ക്കും പാരിസ്ഥിതിക പ്രതിസന്ധി രൂക്ഷമാക്കുന്നതിലേക്കും നയിക്കുന്ന സ്ഥിതിയുമുണ്ടായി. ഈസാഹചര്യത്തില് തോട്ടം മേഖലയിലെ പ്രശ്നങ്ങള് പരിഹരിക്കുന്നതിനുതകുന്ന പ്രവര്ത്തനങ്ങള്ക്ക് സര്ക്കാര് നേതൃത്വം നല്കുകയുണ്ടായി. ഇതിനായി സമഗ്രമായ ഒരു പദ്ധതിക്ക് സര്ക്കാര് രൂപം നല്കിയിട്ടുമുണ്ട്.
Post a Comment
0 Comments