മഞ്ഞപ്പിത്തം ബാധിച്ച് ചികിത്സയിലായിരുന്ന യുവതി മരിച്ചു

കാഞ്ഞങ്ങാട് (www.evisionnews.co):  മഞ്ഞപ്പിത്തം ബാധിച്ച് കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന യുവതി മരിച്ചു. മാലോം കണ്ണീര്‍വാടിയിലെ ഗോപി- നാരായണി ദമ്പതികളുടെ മകള്‍ സുനിത (23) യാണ് മരിച്ചത്. മഞ്ഞപ്പിത്തം ബാധിച്ച സുനിതയെ പരിയാരം മെഡിക്കല്‍ കോളജിലും മംഗളൂരുവിലെ ഫാദര്‍ മുള്ളേഴ്‌സ് ആശുപത്രിയിലും പ്രവേശിപ്പിച്ചിരുന്നു. പിന്നീട് കോഴിക്കോടേക്ക് മാറ്റുകയായിരുന്നു. ഇവിടെ വെച്ചാണ് മരണം സംഭവിച്ചത്. സുരേഷ് ഏക സഹോദരനാണ്.