കൊച്ചി (www.evisionnews.co): സന്തോഷ് ട്രോഫി ഫുട്ബോള് ഫൈനലില് പെനാല്റ്റി ഷൂട്ടൗട്ടില് കേരളവും പശ്ചിമ ബംഗാളിനെ അടിയറവ് പറയിപ്പിച്ചു. പെനാല്റ്റി ഷൂട്ടൗട്ടി.. കേരളം ബംഗാളിനെ തകര്ത്തത്. നിശ്ചിത സമയത്തും അധിക സമയത്തും 2-2ന് സമനിലയില് പിരിഞ്ഞതോടെയാണ് പെനാല്റ്റി ഷൂട്ടൗട്ടിലേക്ക് നീണ്ടത്. കളി തുടങ്ങി ആദ്യ മിനിറ്റുകളില് തന്നെ പശ്ചിമ ബംഗാളിന്റെ ആക്രമണമായിരുന്നു. ഒമ്പതാം മിനിറ്റില് ബോക്സിന് തൊട്ടടുത്ത് വെച്ച് സീസണെടുത്ത ഫ്രീ കിക്കായിരുന്നു കേരളത്തിന് ലഭിച്ച ആദ്യ അവസരം. എന്നാല് പന്ത് ലക്ഷ്യം തെറ്റി. എന്നാല് 19-ാം മിനിറ്റില് കിട്ടിയ അവസരം കേരളം മുതലെടുത്തു. ബംഗാളിന്റെ പാഴായിപ്പോയ ഒരു നീക്കത്തിനൊടുവില് ഒരു കൗണ്ടര് അറ്റാക്കിലൂടെയാണ് കേരളത്തിന്റെ ഗോള് വന്നത്. ഏകദേശം ഗ്രൗണ്ടിന്റെ മധ്യഭാഗത്ത് നിന്ന് സീസണ് നല്കിയ പന്തുമായി കുതിച്ച ജിതിന് എം.എസിന് ലക്ഷ്യം തെറ്റിയില്ല. ബംഗാള് ഗോള്കീപ്പറേയും മറികടന്ന് പന്ത് വലയിലെത്തി.
പിന്നീട് ബംഗാള് നിരവധി അവസരങ്ങള് മെനഞ്ഞെങ്കിലും ഒന്നും ലക്ഷ്യത്തിലെത്തിയില്ല. തിര്തങ്കര് സര്ക്കാര് നിറഞ്ഞുകളിച്ചെങ്കിലും ബംഗാളിന് ഗോള് മാത്രം അകന്നുനിന്നു. 34-ാം മിനിറ്റില് അഫ്ദാലിന്റെ ക്രോസില് ജിതിന് ഗോപാലാന് സുവര്ണാവസരം ലഭിച്ചെങ്കിലും പന്ത് കണക്റ്റ് ചെയ്യാനായില്ല. അഞ്ചു മിനിറ്റിന് ശേഷം ലഭിച്ച ലീഡുയര്ത്താനുളള അവസരം അഫാദില് പെനാല്റ്റി ബോക്സിനുള്ളില് വെച്ച് പുറത്തേക്കടിച്ചു. 46-ാം മിനിറ്റില് ഗോളി മാത്രം മുന്നില് നില്ക്കെ ജിതിന് എം.എസിന് ഗോള്നേട്ടം രണ്ടാക്കാനുള്ള അവസരം ലഭിച്ചു. എന്നാല് പോസ്റ്റിന് മുന്നില് വെച്ചുള്ള കണ്ഫ്യൂഷനില് ജിതിനും പിന്നീട് അഫ്ദാലും ലക്ഷ്യം കണ്ടില്ല. തൊട്ടടുത്ത മിനിറ്റില് ബംഗാളും ഒരു ശ്രമം നടത്തി. തിര്തങ്കര് സര്ക്കാറിന്റെ പാസില് ജിതേന് മുര്മുവിന്റെ ശ്രമം കേരള പ്രതിരോധം തടയുകയായിരുന്നു.
Post a Comment
0 Comments