ഭാരതാംബ ബാലഗോകുലം കലാപ്രതിഭകളെ അനുമോദിച്ചു

കാസർകോട്:  (www.evisionnews.co)ഭാരതാംബ ബാലഗോകുലം കുന്നുമ്മലിന്റെ ആഭിമുഖ്യത്തിൽ സംസ്ഥാന സെപ്ഷ്യൽ സ്കൂൾ കലോത്സവത്തിൽ യു.പി വിഭാഗം മിമിക്രിയിലും ശാസ്ത്രീയ സംഗീതത്തിലും ഒന്നാംസ്ഥാനം നേടിയ അഭിഷേകിനെയും ( സർക്കാർ അന്ധവിദ്യാലയം,കാസർകോട് ),കാസർകോട്  സബ് ജില്ലാ ലളിതഗാന മത്സരത്തിൽ ഒന്നാം സ്ഥാനം നേടിയ ഗൗതമിനേയും  അനുമോദിച്ചു.

ചടങ്ങിൽ എം.കണ്ണൻ അദ്ധ്യക്ഷത വഹിച്ചു.കേന്ദ്ര സർവ്വകലാശാല കായിക പരിശീലന മേധാവി ഡോ.മേലത്ത് ചന്ദ്രശേഖരൻ നായർ ഉദ്ഘാടനം ചെയ്തു. സൈന്റിസ്റ്റ് ഡോ: ടി എം ബാലകൃഷ്ണൻ, ബാലഗോകുലം കാഞ്ഞങ്ങാട് ജില്ലാ കാര്യദർശി  കുഞ്ഞമ്പു മേലത്ത് , ബാലഗോകുലം ഉദുമ താലൂക്ക് സഹ സംഘടനാ കാര്യദർശി എൻ.പി പവിത്രൻ തുടങ്ങിയവർ സംബന്ധിച്ചു.

ശ്രീജ രാമചന്ദ്രൻ സ്വാഗതവും അനീഷ് ഒ.വി നന്ദിയും പറഞ്ഞു.