കാസര്കോട് (www.evisionnews.co): സിപിഎമ്മിന്റെയും പിണറായി വിജയന്റേയും ഹീനമായ രാഷ്ട്രീയ വേട്ടയാടലാണ് സോളാര് അന്വേഷണ കമ്മീഷന് റിപ്പോര്ട്ടിന്മേല് കോണ്ഗ്രസ് നേതാക്കള്ക്കെതരിരായ തിരക്കുപിടിച്ച നടപടിയെന്ന് വി.ടി ബല്റാം. വിശ്വാസ്യതയുടെ തരിമ്പെങ്കിലും ഈ റിപ്പോര്ട്ടിനുണ്ടെന്ന് ഇപ്പോഴത്തെ സൂചനകള് വെച്ച് അനുമാനിക്കാന് കഴിയില്ലെന്നും വി.ടി ബല്റാം ഫേസ്ബുക്ക് പോസ്റ്റില് വ്യക്തമാക്കി.
കോണ്ഗ്രസ് നേതാക്കള് കമ്മീഷന് റിപ്പോര്ട്ട് ടി.പി ചന്ദ്രശേഖരന് കൊലപാതക്കേസിലെ ഗൂഢാലോചന നേരാംവണ്ണം അന്വേഷിച്ച് മുന്നോട്ടു പോകാതെ ഒത്തുതീര്പ്പുണ്ടാക്കിയതിന് കിട്ടിയ പ്രതിഫലമായി കണ്ടാല് മതിയെന്നും വിടി ബല്റാം കൂട്ടിച്ചേര്ത്തു. അഡ്ജസ്റ്റ്മെന്റ് രാഷ്ട്രീയം അവസാനിപ്പിച്ച് തോമസ് ചാണ്ടിയടക്കമുള്ള ഇപ്പോഴത്തെ കാട്ടുകള്ളന് മന്ത്രിമാര്ക്കെതിരെ ശബ്ദമുയര്ത്താന് കോണ്ഗ്രസ് നേതാക്കന്മാര് തയാറകണമെന്നും വി.ടി ബല്റാം അഭിപ്രയാപ്പെട്ടു.
ടി.പി വധവുമായി ബന്ധപ്പെട്ട ഗൂഢാലോചനക്കേസ് കൈകാര്യം ചെയ്തതില് കോണ്ഗ്രസിനെ വിമര്ശിച്ച് വി.ടി ബല്റാം എം.എല്.എ രംഗത്തെത്തിയതിന് പിന്നാലെ ഇക്കാര്യം അന്വേഷിക്കണെന്നാവശ്യപ്പെട്ട് കെ.കെ രമ രംഗത്തെത്തി. ടി.പി വധക്കേസുമായി ബന്ധപ്പെട്ട് വി.ടി ബല്റാം നടത്തിയ വെളിപ്പെടുത്തല് ഞെട്ടിപ്പിക്കുന്നതെന്നും നാലുവര്ഷം ഇക്കാര്യം മറച്ചുവെച്ചത് എന്തുകൊണ്ടാണെന്നും രമ കുറ്റപ്പെടുത്തി.
പോസ്റ്റിന്റെ മുഴുവന് ഭാഗം:
സിപിഎമ്മിന്റെയും പിണറായി വിജയന്റേയും ഹീനമായ രാഷ്ട്രീയ വേട്ടയാടലാണ് ഇനിയും പ്രസിദ്ധപ്പെടുത്താത്ത സോളാര് അന്വേഷണക്കമ്മീഷന് റിപ്പോര്ട്ടിന്മേല് കോണ്ഗ്രസ് നേതാക്കള്ക്കെതിരായ തിരക്കുപിടിച്ച നടപടികള്. വിശ്വാസ്യതയുടെ തരിമ്പെങ്കിലും ഈ റിപ്പോര്ട്ടിനുണ്ടെന്ന് ഇപ്പോഴത്തെ സൂചനകള് വെച്ച് അനുമാനിക്കാന് കഴിയുന്നതല്ല.
ഏതായാലും കോണ്ഗ്രസ് നേതാക്കളെ സംബന്ധിച്ച് ടിപി ചന്ദ്രശേഖരന് കൊലപാതകത്തിന്റെ പുറകിലെ ഗൂഡാലോചനക്കേസ് നേരാംവണ്ണം അന്വേഷിച്ച് മുന്നോട്ടുകൊണ്ടുപോകാതെ ഇടക്കുവെച്ച് ഒത്തുതീര്പ്പുണ്ടാക്കിയതിന് കിട്ടിയ പ്രതിഫലമായി കണക്കാക്കിയാല് മതി. ഇനിയെങ്കിലും അഡ്ജസ്റ്റ്മെന്റ് രാഷ്ട്രീയം അവസാനിപ്പിച്ച് തോമസ് ചാണ്ടിയടക്കമുള്ള ഇപ്പോഴത്തെ കാട്ടുകള്ളന് മന്ത്രിമാര്ക്കെതിരെ ശബ്ദമുയര്ത്താന് കോണ്ഗ്രസ് നേതാക്കന്മാര് തയ്യാറാകണം.
'കോണ്ഗ്രസ് മുക്ത് ഭാരത്' എന്നത് ദേശീയതലത്തിലെ ആര്എസ്എസിന്റെ പ്രഖ്യാപിത മുദ്രാവാക്യമാണെങ്കില് 'കോണ്ഗ്രസ് മുക്ത കേരളം' എന്നതാണ് ഇവിടത്തെ സിപിഎമ്മിന്റെ അപ്രഖ്യാപിത നയം. ആ ഗ്യാപ്പില് ബിജെപിയെ വിരുന്നൂട്ടി വളര്ത്തി സര്വ്വമേഖലകളിലും പരാജയപ്പെട്ട സര്ക്കാരിനെതിരായ ഭരണവിരുദ്ധവികാരത്തെ വഴിതിരിച്ചുവിടാനാണ് ഇന്ന് കേരളം ഭരിക്കുന്നവര് ആഗ്രഹിക്കുന്നത് എന്ന് തിരിച്ചറിഞ്ഞ് തിരിച്ചടിക്കാന് കോണ്ഗ്രസിന്റെ മുതിര്ന്ന നേതാക്കള്ക്ക് കഴിയേണ്ടതുണ്ട്.
Post a Comment
0 Comments