''അറിവിൻ വിളക്കത്ത് ഒന്നിച്ചിരിക്കാം"; ജില്ലാ ത്വലബാ കോൺഫറൻസ് നാളെ തളങ്കരയിൽ

കാസർകോട് : (www.evisionnews.co)അറിവിൻ വിളക്കത്ത് ഒന്നിച്ചിരിക്കാം എന്ന പ്രമേയമുയർത്തി ഒക്. 19, 20, 21 തീയ്യതികളിൽ മലപ്പുറം ഫതഹുൽ ഫത്താഹിൽ വെച്ച് നടക്കുന്ന കേരള ത്വലബാ കോൺഫറൻസിനോടനുബന്ധിച്ച് നടത്തുന്ന കാസർകോട്  ത്വലബാ കോൺഫറൻസ് നാളെ ബുധനാഴ്ച തളങ്കര മാലിക് ഇബ്നു ദീനാർ ഇസ്ലാമിക് അക്കാദമിയിൽ നടക്കും. കോൺഫറൻസ് എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങൾ ഉദ്ഘാടനം ചെയ്യും. 

മഖാം സിയാറത്തിന് സമസ്ത ജില്ലാ പ്രസിഡന്റ് ത്വാഖാ അഹമ്മദ് മൗലവി നേതൃത്വം നൽകും. സമസ്ത ജില്ലാ ജനറൽ സെക്രട്ടറി യു.എം അബ്ദുറഹ്മാൻ മൗലവി പതാക ഉയർത്തും. പ്രാർത്ഥന എം.എ ഖാസിം മുസല്യാർ നടത്തും. എസ്.കെ.എസ്.എസ്.എഫ് സംസ്ഥാന ജനറൽ സെക്രട്ടറി സത്താർ പന്തല്ലൂർ മുഖ്യ പ്രഭാഷണ കർമ്മം നിർവ്വഹിക്കും.

വിദ്യഭ്യാസം, ആദർശം സെഷനുകളിൽ എസ്.കെ.എസ്.എസ്.എഫ് സംസ്ഥാന ട്രഷറർ ബഷീർ ഫൈസി ദേശമംഗലം, അമീർ ഹുസൈൻ ഹുദവി എന്നിവർ നേതൃത്വം നൽകും. കോൺഫറൻസിൽ കെ.ടി അബ്ദുല്ല ഫൈസി, ഇബ്രാഹിം ഫൈസി ജെഡിയാർ, സിദ്ദീഖ് നദ് വി ചേരൂർ, മജീദ് ബാഖവി, യഹ് യ തളങ്കര, ബഷീർ ദാരിമി തളങ്കര, താജുദ്ധീൻ ദാരിമി പടന്ന, ഹാരിസ് ദാരിമി ബെദിര, സുഹൈർ അസ്ഹരി, ത്വലബാ സ്റ്റേറ്റ് ചെയർമാൻ സി.പി ബാസിത്ത് ഹുദവി, കൺവീനർ ഉവൈസ് പതിയാങ്കര, സലീം ദേളി, സയ്യിദ്‌ സൈഫുദ്ധീൻ മാസ്തിക്കുണ്ട് , അബ്ദുല്ല കുമ്പള, ജഅഫർ ബുസ്താനി,  ഫാറൂഖ് കുണിയ, ശരീഫ് ചെറൂനി, ഫർഹാൻ തുടങ്ങിയവർ സംബന്ധിക്കും.