മുംബൈയിലെ റെയില്‍വേ സ്‌റ്റേഷന്‍ ദുരന്തം: ഉദ്യോഗസ്ഥർ എ.സി റൂമുകളിൽ നിന്ന്​ പുറത്ത്​ വരണമെന്ന്​ റെയിൽവേ മന്ത്രി

മുംബൈ: (www.evisionnews.co)എൽഫിസ്​റ്റൺ ദുരന്തത്തി​ന്റെ  പശ്​ചാത്തലത്തിൽ റെയിൽ സുരക്ഷയിൽ കർശന നടപടികളുമായി കേന്ദ്രസർക്കാർ. റെയിൽവേ മന്ത്രി പിയൂഷ്​ ഗോയലി​​െൻന്റെ  അധ്യക്ഷതയിൽ ചേർന്ന യോഗത്തിലാണ്​ സുരക്ഷ സംബന്ധിച്ച നിർണായക തീരുമാനങ്ങളുണ്ടായത്​. ​റെയിൽവേ ഹെഡ്​ഒാഫീസിൽ നിന്ന്​ 200 ഉദ്യോഗസ്ഥരെ ഫീൽഡിലേക്ക്​ ട്രാൻസ്​ഫർ ചെയ്യാൻ യോഗത്തിൽ തീരുമാനമായി. ​വിവിധ പദ്ധതികൾ നടപ്പിലാക്കുന്നതിനും ഫീൽഡിൽ ജോലി ചെയ്യുന്ന ജീവനക്കാരെ നീ​രീക്ഷിക്കുന്നതിനുമായിരിക്കും ഇവരെ ഉപ​യോഗിക്കുക.മു​ംബൈ സബർബൻ റെയിൽവേ സ്​റ്റേഷനുകളിൽ സി.സി.ടി.വി കാമറകൾ സ്ഥാപിക്കാനും തീരുമാനിച്ചതായി റെയിൽ മന്ത്രി ട്വിറ്ററിലൂടെ അറിയിച്ചു.ഒാവർ ബ്രിഡ്​ജുകൾ, പ്ലാറ്റ്​ഫോമുകൾ, നടപ്പാതകൾ എന്നിവയുടെ സുരക്ഷക്ക്​ മുന്തിയ പരിഗണന നൽകാനും ധാരണയായിട്ടുണ്ട്​. റെയിൽവേ സുരക്ഷക്കായുള്ള പദ്ധതികൾ നടപ്പിലാക്കുന്നതിന്​ ഫണ്ട്​ എളുപ്പത്തിൽ ലഭ്യമാക്കാൻ തീരുമാനം ഉണ്ടായതായി റെയിൽവേമന്ത്രി അറിയിച്ചു.