സ്വാശ്രയ മെഡിക്കല്‍ പ്രവേശനം: ബാങ്ക്​ ഗ്യാരണ്ടിയിലുള്ള ആശങ്ക ഒഴിയുന്നു,

തിരുവന്തപുരം:(www.evisionnews.co) മെഡിക്കൽ പ്രവേശനത്തിൽ ബാങ്ക്​ ഗ്യാരണ്ടിയിലുള്ള ആശങ്ക ഒഴിയുന്നു. സർക്കാറി​​​െൻറ ഉറപ്പിൽ ബാങ്കുകൾ ആറ്​ ലക്ഷം രൂപയുടെ ഗ്യാരണ്ടി വിദ്യാർഥികൾക്ക്​ നൽകാമെന്ന്​ അറിയിച്ചുവെന്നാണ്​ റിപ്പോർട്ട്​. മുഖ്യമന്ത്രിയുമായി നടത്തുന്ന ചർച്ചക്കൊടുവിൽ ഇക്കാര്യത്തിൽ അന്തിമ തീരുമാനമാകും.നിയുക്​ത ചീഫ്​ സെ​ക്രട്ടറി കെ.എം എബ്രഹാമാണ്​ ഇക്കാര്യം അറിയിച്ചത്​. ബാങ്ക്​ ഗ്യാരണ്ടി സംബന്ധിച്ച അനിശ്​ചിതത്വം നീക്കാൻ സർക്കാർ ബാങ്ക്​ പ്രതിനിധികളുമായി ചർച്ച നടത്തിയിരുന്നു.ഫീസ്​ സംബന്ധിച്ച്​ ധാരണ എപ്പോൾ ആകുമെന്ന്​ സർക്കാർ വ്യക്​തമാക്കണമെന്ന്​ ബാങ്കുകൾ ബുധനാഴ്​ചയിലെ ചർച്ചയിൽ ആവശ്യമുന്നയിച്ചു. ഇതുസംബന്ധിച്ചും ചീഫ്​ സെക്രട്ടറി മുഖ്യമന്ത്രിയുമായി ചർച്ച നടത്തും. നേരത്തെ ബാങ്ക്​ ഗ്യാരണ്ടി നൽകാൻ കഴിയാത്തതിനാൽ വിദ്യാർഥികൾക്ക്​ മെഡിക്കൽ പ്രവേശനം നഷ്​ടമായത്​ വാർത്തയായിരുന്നു.