തിരുവനന്തപുരം (www.evisionnews.in): മുന് മന്ത്രി എ.കെ ശശീന്ദ്രന്റെ ഫോണ് വിവാദത്തില് ക്രൈംബ്രാഞ്ചിന്റെ പ്രത്യേക അന്വേഷണ സംഘം എഫ്.ഐ.ആര് രജിസ്റ്റര് ചെയ്തു. ശശീന്ദ്രന്റെ ഫോണ് സംഭാഷണം പുറത്തുവിട്ട മംഗളം ചാനല് സി.ഇ.ഒ അജിത് കുമാര് അടക്കം ഒമ്പത് പേര്ക്കെതിരെയാണ് ജാമ്യമില്ലാ വകുപ്പുകള് ചേര്ത്ത് കേസെടുത്തിരിക്കുന്നത്. ഐ.ടി ആക്ടിലെ വകുപ്പുകള്ക്ക് പുറമെ ഗൂഢാലോചന കുറ്റവും എഫ്.ഐ.ആറില് ചേര്ത്തിട്ടുണ്ട്.
ഇത് സംബന്ധിച്ച് രണ്ട് പരാതികളാണ് ഡി.ജി.പി ലോക്നാഥ് ബെഹ്റക്ക് ലഭിച്ചത്. തുടര്ന്ന് ഇന്നലെയാണ് ഫോണ്വിളി വിവാദം ക്രൈംബ്രാഞ്ച് അന്വേഷിക്കാന് തീരുമാനമായത്. ഐജി ദിനേന്ദ്ര കശ്യപിനാണ് അന്വേഷണ ചുമതല നല്കിയിരിക്കുന്നത്. കോട്ടയം പാലക്കാട് എസ്.പിമാരും അന്വേഷണ സംഘത്തിലുണ്ട്. ഹൈടെക് സെല് ഡി.വൈ.എസ്.പി ബിജുമോനാണ് അന്വേഷണ ഉദ്യോഗസ്ഥന് ഫോണ് വിളി വിവാദത്തില് ജുഡിഷ്യല് അന്വേഷണം നേരത്തെ സര്ക്കാര് പ്രഖ്യാപിച്ചിരുന്നു.
Post a Comment
0 Comments