ജനുവരി 29നാണ് സഫറുദ്ദീന് ഡ്രൈവര് ജോലിക്കുളള വിസയില് സൗദിയിലെത്തിയത്. ആദ്യ മാസത്തെ ശമ്പളം കിട്ടിയെന്ന് ഫോണില് അറിയിച്ചെങ്കിലും പിന്നീട് വിവരങ്ങളൊന്നുമുണ്ടായില്ല. രണ്ടു മാസം കഴിഞ്ഞാണ് സഫറുദ്ദീന് ഓടിച്ചിരുന്ന കാര് അപകടത്തില്പെട്ടിരുന്നുവെന്നും ഇതേ തുടര്ന്ന് പോലീസ് അറസ്റ്റ് ചെയ്ത് ജയിലിലടക്കപ്പെട്ടതായുമുളള വിവരം നാട്ടിലെത്തുന്നത്. സഫറുദ്ദീന് ഓടിച്ചിരുന്ന കാര് മറ്റൊരു കാറില് ഇടിച്ചുവെന്നായിരുന്നുവെന്നാണ് വിവരം. സഫറുദ്ദീന്റെ മോചനത്തിന് ഇടപെടണമെന്നാവശ്യപ്പെട്ട് ബന്ധുക്കള് അധികൃതര്ക്ക് നിവേദനവും പരാതിയും നല്കി കാത്തിരിപ്പ് തുടങ്ങിയിട്ട് മാസങ്ങളായി. രണ്ടു മാസം മുമ്പ് കാസറഗോഡ് എം.പിക്ക് ഇതുസംബന്ധിച്ച് പരാതി നല്കിയെങ്കിലും യാതൊരു വിധത്തിലുള്ള തുടര്നടപടിയുമുണ്ടായിരുന്നില്ല. തുടര്ന്നാണ് കെ.എം.സി.സി നേതാക്കള് ഇടപെട്ടത് മോചനതുക കെ.എം.സി.സി ജിദ്ദ കാസര്കോട് ജില്ലാ കമ്മിറ്റിയും ജിദ്ദ ഉദുമ മണ്ഡലം കമ്മിറ്റിയിയും സ്വരൂപിച്ചു നല്കുകയായിരുന്നു.
Post a Comment
0 Comments