ഇന്ന് കാപ്പി കുടിക്കാന് പല പതിവ് ഹോട്ടലുകളിലും ചെല്ലുമ്പോള് പൂട്ടിയിരിക്കുന്നു. കടകള് തുറന്നിട്ട് എന്തിനെന്നാണ് പല വ്യാപാരികളും ചോദിക്കുന്നത് അതുകൊണ്ട് ചൊവ്വാഴ്ച മുതല് അവര് അനിശ്ചിതകാല കടയടപ്പ് പ്രഖ്യാപിച്ചിരിക്കുകയാണ്.പല കല്യാണങ്ങളും നാട്ടില് മാറ്റിവച്ചു കഴിഞ്ഞു. ഇങ്ങനെ ജനം പെരുവഴിയില് അലയുമ്പോഴാണ് ഉള്ള സഹകരണ ബാങ്കുകള് കൂടി പൂട്ടിക്കാന് ബിജെപിക്കാര് ഇറങ്ങിയിരിക്കുന്നതെന്നും മന്ത്രി വ്യക്തമാക്കുന്നു. കേന്ദ്രസര്ക്കാര് അടിയന്തരമായി ചെയ്യേണ്ട നാലുകാര്യങ്ങളും ഐസക് ഫെയ്സ്ബുക്കിലൂടെ ഓര്മിപ്പിക്കുന്നു.
1. പ്രധാനമന്ത്രി നാട് ചുറ്റല് അവസാനിപ്പിച്ചു ഡല്ഹിയില് തിരിച്ചെത്തണം . ജയ്റ്റ്ലി പറയുന്നത് അടുത്ത ഒരു മാസത്തേക്കെങ്കിലും ഇങ്ങനെ തന്നെ ആയിരിക്കും കാര്യങ്ങള് എന്നാണ് , എങ്കില് അടിയന്തിരമായി ചില കാര്യങ്ങള് തീരുമാനിക്കാനുണ്ട്, അതുകൊണ്ടാണ് മോഡി തിരിച്ചു വരണം എന്ന് പറയുന്നത് .
2. മുപ്പതാം തീയതി വരെയെങ്കിലും റദ്ധാക്കിയ നോട്ടുകള് കടക്കാര്ക്കും മറ്റും സ്വീകരിക്കാം എന്നും കൂലി ആയും മറ്റും കൊടുക്കാമെന്നും പ്രഖ്യാപിക്കുക . മുപ്പതാം തീയതി ആവുമ്പോഴേക്കും പഴയ നോട്ടുകള്ക്ക് പകരം പുതിയ നോട്ടുകള് വിതരണസംവിധാനത്തില് കുറ്റമറ്റ രീതിയില് എത്തിക്കാം , അതോടെ പഴയ നോട്ടുകള് പൂര്ണമായി റദ്ദാക്കാം .
3. സ്വര്ണ്ണക്കടക്കാരും ആഡംബര വസ്തുക്കളുടെ വില്പ്പനക്കാരും ഒരു ലക്ഷത്തിന് മേല് ഇടപാട് നടത്തുന്ന എല്ലാവരുടെയും കെ വൈ സി വിവരങ്ങള് സൂക്ഷിക്കണമെന്ന് ഉത്തരവ് ഇറക്കുക. ആരെങ്കിലും കള്ളപ്പണം വെളുപ്പിക്കാന് പോയാല് അവരെ പിന്നീട് പിടിക്കാന് പ്രയാസം ഉണ്ടാവില്ല . ഇതനുവദിച്ചാല് കള്ളപ്പണക്കാര് ചെറുതുകകള് ആയി സാധനങ്ങള് വാങ്ങിച്ചു കള്ളപ്പണം വെളുപ്പിക്കും എന്നാണ് പലരുടെയും പേടി . അതിപ്പോഴും തടസ്സമില്ലാതെ നടക്കുന്നുണ്ട് . കള്ളപ്പണം ഒരു ലക്ഷം രൂപ വെച്ച് ബാങ്ക് അക്കൌണ്ടില് അടച്ച് കമ്മീഷന് അടിസ്ഥാനത്തില് വെളുപ്പിച്ചു തരാന് ഒത്തിരി പേരുണ്ടാവും , ഇതല്ലേ ഇപ്പോഴും നടക്കുന്നത് .
4. സംസ്ഥാന ട്രെഷറി, സംസ്ഥാന ധനകാര്യ സ്ഥാപനങ്ങള് പബ്ലിക്ക് യൂട്ടിലിറ്റികള് ഇവയെ സാധാരണ ഗതിയില് പ്രവര്ത്തിക്കാന് അനുവദിക്കുക . ഇവയുടെ മേലുള്ള എല്ലാ നിയന്ത്രണങ്ങളും നീക്കം ചെയ്യുക .
keywords:kerala-thiruvananthapuram-thomas-isaac-facebook-post
keywords:kerala-thiruvananthapuram-thomas-isaac-facebook-post
Post a Comment
0 Comments