പാലക്കുന്ന് (www.evisionnews.in): കായികരംഗത്ത് കാസര്കോടിന്റെ മുന്നേറ്റം അഭിമാനം പകരുന്നതാണെന്നും എല്ലാ രംഗത്ത് നിന്നും മികച്ച കായികതാരങ്ങളെ സംഭാവന ചെയ്യാന് ജില്ലക്ക് കഴിഞ്ഞിട്ടുണ്ടെന്നും റവന്യു മന്ത്രി ഇ. ചന്ദ്രശേഖരന് പറഞ്ഞു.
കായിക മേഖലയുടെ മുന്നേറ്റത്തിന് സര്ക്കാര് വിവിധ പദ്ധതികള് ആവിഷ്കരിച്ചിരിക്കുകയാണെന്നും അദ്ദേഹം കൂട്ടിച്ചേര്ത്തു. ഗ്രീന്വുഡ്സ് പബ്ലിക് സ്കൂളില് സംസ്ഥാന ടേബിള് ടെന്നീസ് ചാമ്പ്യന്ഷിപ്പിന്റെ സമാപന സമ്മേളനത്തില് വിജയികള്ക്കുള്ള സമ്മാനദാനം നിര്വഹിച്ച് സംസാരിക്കുകയായിരുന്നു മന്ത്രി.
സംഘാടക സമിതി ചെയര്മാന് ഡോ. എം. രാമചന്ദ്രന് അധ്യക്ഷത വഹിച്ചു. വെല്ഫിറ്റ് ഗ്രൂപ്പ് ചെയര്മാന് യഹ്യ തളങ്കര മുഖ്യാതിഥിയായിരുന്നു. ജില്ലാ ഒളിമ്പിക് അസോസിയേഷന് പ്രസിഡണ്ടും ജില്ലാ സ്പോര്ട്സ് കൗണ്സില് മുന് വൈസ് പ്രസിഡണ്ടും 40 വര്ഷത്തോളമായി കായിക രംഗത്ത് സജീവ സാന്നിധ്യവുമായ സി.എ. അബ്ദുല് അസീസിനെ മന്ത്രി ഉപഹാരം നല്കി ആദരിച്ചു. പ്രസ്ക്ലബ്ബ് വൈസ് പ്രസിഡണ്ട് ടി.എ ഷാഫി, ഗ്രീന്വുഡ്സ് പബ്ലിക് സ്കൂള് ചെയര്മാന് അസീസ് അക്കര, ടേബിള് ടെന്നീസ് അസോസിയേഷന് സംസ്ഥാന പ്രസിഡണ്ട് എ.എസ് നവാസ്, സ്റ്റേറ്റ് സെക്രട്ടറി അഡ്വ. ദീപക്, സംഘാടക സമിതി ഭാരവാഹികളായ അഷ്റഫ് മധൂര്, കെ.എം ഹനീഫ്, കെ.ബി.എം ഷരീഫ്, മുജീബ് മാങ്ങാട്, ജംഷീദ് എം.എസ്, ജലീല് കാപ്പില്, അബ്ദുല്ല സുനൈസ് തുടങ്ങിയവര് സംസാരിച്ചു. സംഘാടക സമിതി സെക്രട്ടറി എന്.എ സുലൈമാന് സ്വാഗതവും ഫാറൂഖ് കാസ്മി നന്ദിയും പറഞ്ഞു.
keywords:kasaragod-palakunnu-greenwords-school-minister-echandrashekaran
Post a Comment
0 Comments