കാസര്‍കോട് ജില്ലാ പ്രസിഡണ്ടായി കെപിസിസി എക്‌സിക്യൂട്ടീവ് അംഗമായ കെ. നീലകണ്ഠനെ അവരോധിക്കുമെന്നാണ് ഏറ്റവും ഒടുവില്‍ പുറത്തുവരുന്ന വിവരം. നീലകണ്ഠനെ പ്രസിഡണ്ടാക്കുന്നതിനോടാണ് നേതാക്കളിലേറെ പേര്‍ക്കും അണികള്‍ക്കും പ്രവര്‍ത്തകര്‍ക്കും താല്‍പര്യം. നീലകണ്ഠന് പ്രസിഡണ്ടാകുന്നതോടെ ജില്ലയില്‍ കോണ്‍ഗ്രസിന് പഴയ ആഭിജാത്യത്തില്‍ എത്താനാകുമെന്നാണ് കരുതുന്നത്. നിലവില്‍ മുസ്ലിം ലീഗിന്റെ ബി ടീമായാണ് ജില്ലയിലെ കോണ്‍ഗ്രസിന്റെ നില. ഈ അവസ്ഥ കോണ്‍ഗ്രസിനുള്ളില്‍ മൃദുഹിന്ദുത്വവാദം ശക്തിപ്പെടുത്തുമെന്ന ഭീഷണിയും നിലവിലുണ്ട്.
അതിനിടെ തൃക്കരിപ്പൂരിലെ ഒരു നേതാവിനെ ഡിസിസി പ്രസിഡണ്ടാക്കിയാല്‍ ജില്ലയിലെ പ്രമുഖ കോണ്‍ഗ്രസ് നേതാവടക്കം നിരവധി പേര്‍ ബിജെപിയില്‍ ചേക്കേറുമെന്നും വാര്‍ത്തകള്‍ പ്രചരിച്ചിരുന്നു. ഇതിനു തടയിടാന്‍ നീലകണ്ഠന് തന്നെ പ്രസിഡണ്ടാകുന്നതിനോടാണ് സംസ്ഥാന നേതൃത്വത്തിനും താല്‍പര്യം.
വിദ്യാര്‍ത്ഥി പ്രസ്ഥാനത്തിലൂടെ കടന്നുവന്ന് യൂത്ത് കോണ്‍ഗ്രസിന്റെ ജില്ലയിലെ പ്രധാന നേതൃത്വം വഹിച്ച നീലകണ്ഠന് ജില്ലയിലെ മികച്ച സഹകാരി കൂടിയാണ്. ഇക്കഴിഞ്ഞ നിയമസഭാ തെരഞ്ഞെടുപ്പില്‍ ഉദുമ മണ്ഡലത്തില്‍ നീലകണ്ഠന്റെ പേരും അതിശക്തമായി പരിഗണിക്കപ്പെട്ടിരുന്നു. അതിനിടയിലാണ് കെ സുധാകരന്‍ ഉദുമയില്‍ സ്ഥാനാര്‍ത്ഥിയായത്.
Keywords: Kasaragod-news-dcc-president-decleration-friday
Post a Comment
0 Comments