പഞ്ചായത്ത് പ്രസിഡണ്ടിനെതിരെ യു.ഡി.എഫ് നടത്തിയ സമരങ്ങള്ക്ക് എല്.ഡി.എഫിന്റെ പരോക്ഷ പിന്തുണയും ഉണ്ടായിരുന്നതായാണ് പുറത്തുവരുന്ന വിവരങ്ങള്. ബി.ജെ.പിയെ താഴെയിറക്കാന് ഏത് വിട്ടുവീഴ്ച്ചക്കും തയാറാകണമെന്നും മതേതര ചേരിയെ ശക്തിപ്പെടുത്താന് കോണ്ഗ്രസ് നേതൃപരമായ പങ്കുവയ്ക്കണമെന്ന സമ്മര്ദം യു.ഡി.എഫില് ശക്തമാണ്. മതേതര പാര്ട്ടികള് പൊതുരാഷ്ട്രീയ നിലപാടുകള്ക്കപ്പുറം പ്രായോഗിക നിലവാട് സ്വീകരിക്കണമെന്ന് ആവശ്യപ്പെടുന്നവരുമുണ്ട്. അതിനിടെ ബി.ജെ.പിക്കെതിരെ എല്.ഡി.എഫിലെ ഒരു വിഭാഗം മൃദുസമീപനം സ്വീകരിക്കുന്നതായും വിവരമുണ്ട്. ഏതായാലും ഇതുസംബന്ധിച്ച തീരുമാനമെടുക്കാന് സി.പി.എം കുമ്പള ഏരിയ കമ്മിറ്റി, എന്മകജെ, കാട്ടുകുക്കെ ലോക്കല് കമ്മിറ്റികളുടെ സംയുക്ത യോഗം ആറിന് തീരുമാനിച്ചിരിക്കുകയാണ്.
അതേസമയം പ്രതിപക്ഷങ്ങളുടെ ഒറ്റക്കെട്ടായുള്ള രാഷ്ട്രീയ നീക്കത്തെ സൂക്ഷ്മമായാണ് ബി.ജെ.പി നോക്കിക്കാണുന്നത്. അതുകൊണ്ട് തന്നെ എന്മകജെയിലെ രാഷ്ട്രീയ വടംവലി വലിയ കൗതുകത്തോടെയാണ് ജില്ല ഉറ്റുനോക്കുന്നത്. നിലവില് കാസര്കോട് ജില്ലയിലെ നാലു പഞ്ചായത്തുകള് ബിജെപിയുടെ കയ്യിലാണ്. എന്മകജെക്ക് പുറമെ കാറഡുക്ക, ബെള്ളൂര്, മധൂര് പഞ്ചായത്തുകളിലാണ് ബി.ജെ.പി ഭരണത്തിലുളളത്. എന്മകജെ കൈവിട്ടാല് നാല് മുന്നായി ചുരുങ്ങും. എന്മകജെയില് നിലവിലുള്ള 17 സീറ്റില് ബി.ജെ.പി ഏഴ്, യു.ഡി.എഫ് ഏഴ്, എല്.ഡി.എഫിന് മൂന്ന് മെമ്പര്മാരാണുള്ളത്.
Post a Comment
0 Comments