മാണി ബിജെപിക്കൊപ്പം പോയാല്‍ കൂടെയുളള മൂന്ന് എംഎല്‍എമാര്‍ കൈവിടും -പി.സി ജോര്‍ജ്ജ്

തിരുവനന്തപുരം (www.evisionnews.in): പത്തുവര്‍ഷം തുടര്‍ച്ചയായി ഭരിക്കുക എന്നതാണ് പിണറായി വിജയന്റെ ലക്ഷ്യം. അതുകൊണ്ട് യുഡിഎഫിനെ തകര്‍ക്കാന്‍ പിണറായി നോക്കുമെന്നും പൂഞ്ഞാര്‍ എംഎല്‍എ പിസി ജോര്‍ജ്. കെ.എം മാണി ബിജെപിക്ക് ഒപ്പം പോയാല്‍ കൂടെയുളള മൂന്ന് എംഎല്‍എമാര്‍ മാണിക്ക് ഒപ്പം ഉണ്ടാകില്ലെന്ന് പൂഞ്ഞാര്‍ എംഎല്‍എ അദ്ദേഹം പറഞ്ഞു. കെ.എം മാണി യുഡിഎഫ് വിടുമെന്ന അഭ്യൂഹങ്ങള്‍ക്കിടെയാണ് പിസി ജോര്‍ജിന്റെ പ്രതികരണം.

സി.എഫ് തോമസും റോഷി അഗസ്റ്റിനും ജയരാജും മാണിക്ക് ഒപ്പം കൂടെ ഉണ്ടാകില്ലെന്നും ബാര്‍ അഴിമതിയില്‍ നിന്ന് രക്ഷപെടാന്‍ കഴിയുമോ എന്നാണ് കെഎം മാണി നോക്കുന്നതെന്നും പി സി ജോര്‍ജ്ജ് പറഞ്ഞു. അതിന് കൂട്ടുനില്‍ക്കാന്‍ മാണിയെ പ്രോത്സാഹിപ്പിക്കുകയാണ് പിണറായി ചെയ്യുന്നത്. 28 എംഎല്‍എമാര്‍ ഉണ്ടായിരുന്ന കേരള കോണ്‍ഗ്രസ് ഇപ്പോള്‍ ആറില്‍ ഒതുങ്ങി. കേരള കോണ്‍ഗ്രസ് പിരിച്ചുവിടുകയാണ് വേണ്ടതെന്നും പി സി ജോര്‍ജ്ജ്പറഞ്ഞു.

Keywords: pc-george-mani