കോഴിക്കോട് കോടതിയിലും വിലക്ക്: മാധ്യമപ്രവര്‍ത്തകരെ അറസ്റ്റു ചെയ്തു

കോഴിക്കോട് (www.evisionnews.in): മാധ്യമപ്രവര്‍ത്തകര്‍ക്ക് കോഴിക്കോട് കോടതിയിലും വിലക്ക്. ഐസ്‌ക്രീം പാര്‍ലര്‍ കേസ് പരിഗണിക്കുന്ന കോഴിക്കോട് ഒന്നാം ക്ലാസ് മജിസ്‌ട്രേറ്റ് കോടതയിലാണ് മാധ്യമപ്രവര്‍ത്തകരെ അകത്ത് കയറാന്‍ വിടാതെ വിലക്കേര്‍പ്പെടുത്തിയത്. ഇതോടെ അകത്ത് കയറാന്‍ ശ്രമിച്ച മാധ്യമപ്രവര്‍ത്തകരെ പോലീസ് അറസ്റ്റു ചെയ്തു നീക്കി. ഫോട്ടോഗ്രാഫറെ അടക്കം കോടതി വിധി റിപ്പോര്‍ട്ട് ചെയ്യാനെത്തിയ മാധ്യമപ്രവര്‍ത്തകരെ പോലീസ് യാതൊരു മുന്നറിയിപ്പുമില്ലാതെയാണ് അറസ്റ്റുചെയ്തത്. കോടതിയുടെ കോമ്പൗണ്ടിന് പുറത്തു നിന്നാണ് അറസ്റ്റ്. മാധ്യമ പ്രവര്‍ത്തകരെ കോടതി വളപ്പില്‍ കയറ്റരുതെന്ന ഹൈക്കോടതിയുടെ ഉത്തരവുണ്ടെന്ന് പറഞ്ഞാണ് പോലീസ് മാധ്യമപ്രവര്‍ത്തകരെ തടഞ്ഞത്.
ഐസ്‌ക്രീം കേസുമായി ബന്ധപ്പെട്ട അന്വേഷണം അവസാനിപ്പിക്കാന്‍ ആവശ്യപ്പെട്ട് അന്വേഷണ സംഘം സമര്‍പ്പിച്ച ഹര്‍ജിയും ഇതിനെതിരായ വിഎസിന്റെ ഹര്‍ജിയുമാണ് ഇന്ന് കോടതി പരിഗണിക്കുക.