നിയമസഭയിലേക്കുള്ള പോളിംഗിന് തലേന്ന് മുതല് മധൂരിലും പരിസരങ്ങളിലും അക്രമങ്ങള് പടരുകയാണ്. രാംദാസ് നഗറില് വനിതാ കോണ്ഗ്രസ്സ് നേതാവിന് നേര്ക്കും, നെല്ലിക്കുന്ന് സ്വദേശികളായ സ്ത്രീകളടങ്ങുന്ന കുടുംബത്തേയും റോഡില് തടഞ്ഞു നിര്ത്തി അക്രമിക്കുകയുണ്ടായി. രാംദാസ് നഗറിന് സമീപം പോലീസ് എറിഞ്ഞ ഗ്രനേഡ് തിരിച്ചെറിഞ്ഞ് അക്രമികള് ഭീകരത സൃഷ്ടിച്ചിരുന്നു. കേളുഗുഡ്ഡയില് വാഗണര് കാറ് തകര്ത്തു. സൂര്ലുവില് ബൈക്ക് തടഞ്ഞു നിര്ത്തി യുവാവിനെ അക്രമിച്ചു. അക്രമം പടരുമ്പോള് ഇത് തടയാനാകാതെ പോലീസ് കള്ളക്കളി തുടരുകയാണെന്ന് നാട്ടുകാര് ആരോപിച്ചു.
ഉളിയത്തടുക്കയില് മൂസയുടെ തട്ടുകട തീയിട്ട് നശിപ്പിച്ച സംഭവത്തില് മുസ്ലിം ലീഗ് കമ്മിറ്റി പ്രതിഷേധിച്ചു. പ്രസിഡണ്ട് ടി.എം ഇഖ്ബാലും, സെക്രട്ടറി ഹാരിസ് ചൂരിയും അക്രമത്തെ അപലപിച്ചു. അഗ്നിക്കിരയായ കട മുസ്ലിം ലീഗ് നവീകരിച്ച് നല്കുമെന്ന് ഭാരവാഹികള് അറിയിച്ചു.
keywords: Madhur-Attack-against-Shop-uliyathadukka
Post a Comment
0 Comments