സംസ്ഥാനം അഭിമുഖീകരിക്കുന്ന ഊര്ജ്ജപ്രതിസന്ധിയെ മറികടക്കാന് അതിരപ്പള്ളിയും ചീമേനിയും അനിവാര്യമാണെന്ന് കടകംപള്ളി പറയുന്നു. പരിസ്ഥിതി പ്രവര്ത്തകരടക്കമുള്ള ജനങ്ങളുമായി ബന്ധപ്പെട്ട് ചര്ച്ച ചെയ്ത് മാത്രമെ പദ്ധതി നടപ്പാക്കുവെന്നും മന്ത്രി പറഞ്ഞു. അതേസമയം, മന്ത്രിയുടെ പ്രസ്താവന വൈദ്യുതി പ്രതിസന്ധി തരണം ചെയ്യാനുള്ള ബഹുജന സംവാദത്തിനുള്ള വഴിമരുന്നിടലാണെന്ന് വിലയിരുത്തപ്പെടുന്നു. ഇടതുമുന്നണി അധികാരത്തിലേറിയ ഘട്ടങ്ങളിലെല്ലാം വൈദ്യുതി പദ്ധതികളെ സംബന്ധിച്ച് വാദപ്രതിവാദവും ജനരോഷവും ഉയര്ന്നുവരാറുണ്ട്. സൈലന്റ് വാലി പദ്ധതിയില് തുടങ്ങിയ തര്ക്കമാണിത്.
തൃക്കരിപ്പൂര് മണ്ഡലത്തിലെ ചീമേനി പദ്ധതി സംബന്ധിച്ച് നായനാര് മുഖ്യമന്ത്രിയായ കാലം മുതല് വിവാദങ്ങള് ഉയര്ന്നുവന്നതാണ്. നേരത്തെ മണ്ഡലത്തിലെ കാക്കടവ് പദ്ധതി നടപ്പാക്കാന് ശ്രമിച്ചപ്പോഴും വന് എതിര്പ്പുണ്ടായിരുന്നു. ഡോ. സുബ്ബറാവു ആയിരുന്നു അന്ന് ജലസേചന വകുപ്പ് മന്ത്രി.
Post a Comment
0 Comments